Jańbyr-burshaq, kúshti jel, aptap ystyq - jeksenbige arnalǵan aýa raıy
NUR-SULTAN. QazAqparat - Jeksenbi elimizde jańbyr-burshaq jaýyp, jel kúsheıedi, birqatar óńirde aptap ystyq bolady, dep habarlaıdy QazAqparat Qazgıdrometke silteme jasap.
14 maýsymda Qazaqstannyń basym bóliginde frontaldy aǵyndardyń ótýine baılanysty áli de qubylmaly aýa raıy saqtalady, keı jerlerde naızaǵaı jarqyldap jańbyr jaýady, tek elimizdiń ońtústiginde, batysynda kún raıy ashyq bolady. Keı jerlerde jel kúsheıip, soltústikte daýyl soǵady, burshaq jaýýy yqtımal.
Túnde Soltústik Qazaqstan oblysynyń keı jerlerinde, kúndiz basym bóliginde jeldiń jyldamdyǵy 15-20 m/s jetedi, túnde keı jerlerde ekpini 25 m/s kúsheıedi. Naızaǵaı jarqyldaıdy, daýyl sońýy múmkin. Burshaq jaýýy yqtımal.
Aqmola, Pavlodar oblystarynyń keı jerlerinde naızaǵaı, daýyl, jel soǵady. Jyldamdyǵy 15-20 m/s jetedi. Burshaq jaýýy yqtımal.
Qostanaı oblysynda jel 15-20 m/s kúsheıedi, túnde jáne tańerteń naızaǵaı oınap, burshaq jaýady.
Batys Qazaqstan, Shyǵys Qazaqstan, kúndiz Atyraý, Aqtóbe, Qaraǵandy oblystarynda jel 15-20 m/s kúsheıedi, Qaraǵandy, kúndiz Aqtóbe, Shyǵys Qazaqstan oblystarynda kún kúrkirep, naızaǵaı qarqyldaıdy.
Almaty, Qyzylorda, Atyraý oblystarynda, Túrkistan oblysynyń batysynda, Mańǵystaý oblysynyń ońtústiginde, Aqtóbe oblysynda qatty ystyq kútiledi.
Atyraý, Qyzylorda, Qaraǵandy oblystarynda, Aqtóbe, Aqmola, Pavlodar, Túrkistan, Jambyl oblystarynyń basym bóliginde, Batys Qazaqstan, Qostanaı, Shyǵys Qazaqstan oblystarynyń ońtústiginde, Almaty oblysynyń batysynda óte joǵary órt qaýipi saqtalady.
