Jańbyr, burshaq, daýyl: 23 sáýir kúngi aýa raıy boljamy
NUR-SULTAN. QazAqparat – 23 sáýir kúni respýblıkanyń basym bóliginde qubylmaly kún raıy saqtalady. Jekelegen óńirlerde jańbyr, naızaǵaı, daýyl, ekpindi jel, burshaq kútiledi. Soltústik-batysta tuman, ońtústikte shańdy daýyl boljanady, dep habarlaıdy QazAqparat.
Atap aıtqanda, «Qazgıdromet» RMK málimetinshe, Soltústik Qazaqstan, Qostanaı oblystarynda túnde keı jerlerde jel 15-20 m/s, kúndiz basym bóliginde 15-20 kúsheıedi, ekpini 23-28 m/s jetýi yqtımal. Jekelegen aýmaqtarda tuman kútiledi.
Mańǵystaý, Atyraý, Qaraǵandy, kúndiz Aqtóbe, Túrkistan, Qyzylorda oblystarynyń keı jerlerinde jel 15-20 m/s artady. Qyzylorda oblysynda shańdy daýyl boljanady.
Batys Qazaqstan oblysynyń keı jerlerinde jeldiń kúshi 15-20 m/s kúsheıedi, kúndiz keı jerlerde burshaq jaýýy múmkin.
Aqmola, Pavlodar oblystarynyń keı jerlerinde jel 15-20 artady. kúndiz ekpini 25 m/s jetedi. Sondaı-aq daýyl turýy múmkin. Aqmola oblysynda burshaq boljanady.
Kúndiz Almaty oblysynyń Jalańashkól aýdanynda jel 15-20 m/s kúsheıedi.
