Jańbyr, burshaq: 6-8 kúnderge sınoptıkter boljamy
ASTANA. QazAqparat – «Qazgıdromet» RMK 6-8 shilde aralyǵynda qalyptasatyn kún raıyna boljamyn jarııalady, dep habarlaıdy QazAqparat.
«Aldaǵy mereke kúnderi respýblıka aýmaǵynyń basym bóliginde aýa raıynyń qubylmaly sıpaty saqtalady. Osyǵan baılanysty jańbyr jaýyp, naızaǵaı men ekpindi jel kútiledi.
6-7 shildede ortalyqta jáne ońtústik-shyǵysta qatty jańbyr boljanady. 6-8 shildede Qazaqstannyń soltústigi men shyǵysynda kúndiz burshaq jaýýy yqtımal.
Elimizdiń batysynda ǵana jaýyn-shashynsyz kún raıy kútiledi.
Batysta jáne ońtústikte kúndizgi temperatýra birtindep joǵarylaıtyny boljanady - +33+42°S deıin.
Al elimizdiń qalǵan bóliginde aýa temperatýrasy soltústik-batysta jáne ortalyqta +22+ 35°S deıin, soltústikte +23+30°S deıin, shyǵysta jáne ońtústik-shyǵysta +20+30°S deıin azdap tómendeýi múmkin», - delingen sınoptıkter málimetinde.
