Janbota Aldabergenova frıstaıldan Álem kýbogy kezeńinde «qola» aldy
NUR-SULTAN. QazAqparat - Búgin Almatydaǵy «Oı Qaraǵaı» taýly kýrortynda ótip jatqan shańǵy akrobatıkasynan álem kýbogi kezeńinde qazaqstandyq Janbota Aldabergenova el qorjynyna alǵashqy júldeni syılady, dep habarlaıdy QazAqparat.
Ol jekeleı synda ýkraınalyq Nadejda Mahnatskaıa men amerıkalyq Megan Nıkkege ǵana ese jiberip, úzdik úshinshi orynǵa ıe boldy.
Aıta keteıik, búgin Almatyda alaýy tutanǵan atalmysh dodada el namysyn Olımpıada oıyndarynyń qola júldegerleri men Álem kýbogy kezeńderiniń jeńimpazdary ıÝlııa Galysheva, Dmıtrıı Reıherd, Pavel Kolmakov, Aıaýlym Ámirenova, Sergeı Romanov, Janbota Aldabergenova, Aqmarjan Qalmyrzaeva qorǵap jatyr.
Frıstaıldan Álem kýbogynyń kezeńderi 1980 jyldan beri jyl saıyn ótip keledi.
Esterińizge sala keteıik, osyǵan deıin Almatyda ótetin frıstaıldan Álem kýbogy kezeńderine 17 eldiń sportshylary qatysatyny týraly jazǵan bolatynbyz.
