Janbota Aldabergenova Álem kýbogy kezeńinde qola júlde aldy
Ulttyq qurama sportshysy Janbota Aldabergenova Fınlıandııanyń Rýka qalasynda aıaqtalǵan frıstaıl-akrobatıka men mogýldan Álem kýbogynyń alǵashqy kezeńinde úzdik úshtikti túıindedi, dep habarlaıdy Kazinform.
QR Týrızm jáne sport mınıstrligi Sportty damytý dırektsııasy baspasóz qyzmetiniń málimetinshe, akrobatıka túrinde óner kórsetken Janbota fınalda 77.43 ball jınap, qola júldeger atandy.
Bir qyzyǵy, qazaq sportshysy týra bir jyl buryn osynda ótken 2022-2023 jylǵy maýsymdaǵy Álem kýbogynyń alǵashqy kezeńinde qola alǵan. Ol kezde Aldabergenovaǵa 80,04 upaı jetkilikti bolǵan.
Jalpy Rýka qalasy bıyl FIS-tiń frıstaıl maýsymyn qatarynan 14-ret bastap berdi.
Altyndy Beıjiń Olımpıadasynyń (aralas komandalyq syn) qola júldegeri Marıon Teno (Kanada) jeńip alsa, kúmis Danıel Skottyń enshisinde ketti. Aýstralııalyq osyǵan deıin álem chempıonatynda 2 márte kúmiske ıe bolǵanyn aıta keteıik.
