Janbolat pen Jazıra saýda jasap kún kórgen

Bul týraly 31-arnanyń "Uıat emes" baǵdarlamasyna qonaqta bolǵan Jazıra Baıyrbekova aıtyp berdi, dep habarlaıdy «QazAqparat» HAA tilshisi.

Baǵdarlamada barysynda ənshi ómiriniń alǵashqy jyldary synaqqa toly bolǵanyn jasyrmady. 18 jasynda kelin bolyp túsken Jazıra Baıyrbekova Aral jerinde azyq-túlik satyp, kún keshken. Ata-enesimen bir shańyraq astynda 20-ǵa jýyq adam birge turǵan. «Al Almatyǵa kóship kelgende pəter jaldap, azyq-túlik bolmaǵan kúnderdi de bastan keshtik», - degen Jazıra, baraholkada talaı jyl aıaq-kıim satypty. Týystarynyń shańyraǵyna  qonaqqa baryp-qaıtýǵa aqsha tappaǵan olardy avtobýs jarty joldan túsirip ketken kezder de bolǵan eken.

Janbolat pen Jazıra 5 myń dollar turatyn bir bólmeli pəterlerin meıramhanada ən aıtyp júrip alǵan. «Eń qyzyǵy, sol kezde ózderi jumys istegen meıramhanada Aqbota Kerimbekova, Saıat Medeýov syndy elge tanymal ənshiler kelip ən aıtqanda, apparattýra  janynda qyzyǵa qarap turatynmyn», -  deıdi Jazıra Baıyrbekova.

Kúnderdiń kúninde ol túbegeıli sheshim qabyldaǵan. Joldasy Janbolatqa aıtpastan stýdııaǵa baryp, óziniń týǵan aǵasy Erbol Baıyrbekovtyń "Súıgenińdi baǵala" ənin jazdyrtyp, radıoǵa ózi tapsyrǵanyn eske aldy. Onyń sózinshe, osy bir sət onyń ómirin ózgertken jáne halyqqa tanylýyna jol ashqan.

Sondaı-aq baǵdarlama barysynda Jazıra tuńǵysh balasy Qazybektiń ini-qaryndastary bolsa dep tileıtinin de jasyrmady.