Jańbyr, jeldiń kúsheıýi - 19 maýsymǵa jasalǵan kún raıy boljamy
ASTANA. KAZINFORM - Qazgıdromet Qazaqstan aımaqtarynda 2024 jylǵy 19 maýsymda bolatyn qaýipti meteorologııalyq qubylystarǵa boljaý konsýltatsııasyn jarııalady.
QR soltústiginde, ortalyǵynda, ońtústik-batysynda antıtsıklon áserinen aýa raıy jaýyn-shashynsyz bolady. QR qalǵan aımaqtaryna áli de atmosferalyq frontaldy bólikter óz áserin tıgizetin bolady - naızaǵaımen jańbyr jaýady, elimizdiń ońtústik-shyǵysynda qatty jańbyr jaýyp, batysynda, ońtústik-shyǵysynda burshaq, daýyl kútiledi. Respýblıka boıynsha jeldiń kúsheıýi kútiledi.
Kúndiz Batys Qazaqstan, Atyraý, Aqtóbe, Qyzylorda oblystarynda qatty ystyq saqtalady, Qostanaı oblysynyń ońtústiginde, qatty ystyq kútiledi.
Mańǵystaý oblysynda, Atyraý, Aqtóbe oblystarynyń ońtústiginde óte qatty ystyq saqtalady.
Aqtóbe, Ulytaý oblystarynda, Abaı oblysynyń soltústiginde, ortalyǵynda, Qaraǵandy oblysynyń batysynda, ortalyǵynda, Batys Qazaqstan oblysynyń batysynda, soltústiginde, ortalyǵynda, Aqmola oblysynyń batysynda, ońtústiginde, Shyǵys Qazaqstan oblysynyń ońtústiginde, Qyzylorda oblysynyń soltústik-batysynda, shyǵysynda, Mańǵystaý oblysynyń jaǵalaýynda, Jetisý oblysynyń soltústiginde, Almaty oblysynyń ortalyǵynda, joǵary órt qaýipi saqtalady.
Atyraý, Mańǵystaý, Túrkistan, Jambyl, Qyzylorda oblystarynda, Batys Qazaqstan oblysynyń ońtústik-batysynda, ońtústiginde, Aqtóbe oblysynyń batysynda, ońtústiginde, Almaty oblysynyń batysynda, Qostanaı, Qaraǵandy, Abaı oblystarynyń ońtústiginde, Jetisý oblysynyń shyǵysynda tótenshe órt qaýipi saqtalady.
