Jańbyr, jel, úsik: 27 qyrkúıekke arnalǵan aýa raıy boljamy

ASTANA. KAZINFORM — Qazgıdromet sınoptıkteri 27  qyrkúıek, jumaǵa arnalǵan aýa raıy boljamyn usyndy. 

Soltústik-batys antıtsıklon silemi QR kóp bóliginde salqyn, negizinen jaýyn-shashynsyz aýa-raıyn sharttaıdy. Tek eldiń ońtústiginde, ońtústik-shyǵysynda atmosferalyq frontaldy bólimderdiń áserinen naızaǵaımen jańbyr jaýady, túnde ońtústik-shyǵystyń taýly aımaqtarynda jaýyn – shashyn jaýyp, keı kezderde qatty jaýyn-shashyn jaýady (jańbyr, qar). Respýblıka boıynsha jel kúsheıip, túngi jáne tańerteńgi saǵattarda tuman bolady.

Batys Qazaqstan oblysynyń soltústiginde túnde 2 gradýs úsik kútiledi.

Aqtóbe, Qaraǵandy oblystarynda, Ulytaý oblysynyń shyǵysynda, Jetisý oblysynyń shyǵysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-batysynda, Jambyl oblysynyń ońtústik-batysynda, ońtústik-shyǵysynda, Shyǵys Qazaqstan oblysynyń batysynda, ońtústiginde, ortalyǵynda, Qostanaı oblysynyń ońtústiginde, ortalyǵynda, Abaı oblysynyń shyǵysynda, ortalyǵynda joǵary órt qaipi saqtalady, Mańǵystaý oblysynyń shyǵysynda órt qaýpi joǵary bolady dep kútiledi.

Mańǵystaý, Atyraý, Túrkistan, Qyzylorda, Jambyl, Batys Qazaqstan, Ulytaý oblystarynda, Abaı oblysynyń ońtústiginde, Jetisý oblysynyń batysynda, soltústiginde, ortalyǵynda, Qaraǵandy oblysynyń batysynda, shyǵysynda, Aqtóbe oblysynyń batysynda, ońtústiginde, ortalyǵynda tótenshe órt qaýpi saqtalady.