Jańbyr, jel, tuman: Qazaqstannyń 15 óńirinde kún raıy buzylýy múmkin

ASTANA. KAZINFORM – 29 qazan kúni elimizdiń 15 óńirinde qolaısyz aýa raıy kútiledi, dep habarlaıdy Kazinform «Qazgıdrometke» silteme jasap.

Abaı oblysynda soltústiginde, ońtústiginde jáne ortalyǵynda tuman túsedi. Ońtústiginde órt qaýpi joǵary deńgeıde saqtalady.

Aqmola oblysynyń ońtústik-batysynda da órt qaýpi joǵary bolyp qala beredi.

Aqtóbe oblysynyń ońtústigi men shyǵysynda órt qaýpi joǵary, al batysy, soltústik-shyǵysy jáne ortalyǵy boıynsha tótenshe órt qaýpi saqtalady.

Atyraý oblysynyń batysy men ońtústiginde túnde jáne tańerteń tuman túsedi. Shyǵysynda tótenshe órt qaýpi, soltústik-shyǵysy men ońtústik-shyǵysynda joǵary órt qaýpi saqtalady.

Shyǵys Qazaqstan oblysynyń soltústiginde, shyǵysy men ońtústiginde tuman kútiledi.

Jambyl oblysynyń batysy, soltústigi jáne ońtústiginde kúndiz naızaǵaı bolady. Túnde jáne tańerteń ońtústikte, taýly aımaqtarda tuman túsedi. Taýly óńirlerde soltústik-shyǵystan soǵatyn jeldiń ekpini 15-20 m/s deıin jetedi. Oblystyń batysy men soltústiginde tótenshe, al ortalyǵy men ońtústiginde joǵary órt qaýpi saqtalady.

Jetisý oblysynda kúndiz shyǵysta jáne taýly aýdandarda soltústik-shyǵystan soqqan jeldiń ekpini 15-20 m/s deıin kúsheıedi.

Batys Qazaqstan oblysynyń batysy, soltústigi jáne ońtústiginde keı ýaqytta qatty jańbyr jaýady. Túnde jáne tańerteń batysy men soltústiginde tuman túsedi.

Qaraǵandy oblysynyń batysy, soltústigi jáne shyǵysynda túnde jáne tańerteń tuman kútiledi. Batysynda órt qaýpi joǵary deńgeıde saqtalady.

Qostanaı oblysynyń soltústigi men shyǵysynda túnde jáne tańerteń tuman bolady. Ońtústiginde tótenshe órt qaýpi, al ońtústik-batysynda joǵary órt qaýpi saqtalady.

Qyzylorda oblysynda tótenshe órt qaýpi, soltústigi men ortalyǵynda joǵary órt qaýpi saqtalady.

Mańǵystaý oblysynyń ońtústigi men ortalyǵynda kúndiz ońtústik-shyǵystan soqqan jeldiń ekpini 15–20 m/s deıin jetedi. Batysy men ońtústiginde órt qaýpi joǵary.

Soltústik Qazaqstan oblysynyń batysy men soltústiginde túnde jáne tańerteń tuman túsedi.

Túrkistan oblysynyń ońtústigi men batysynda jáne taýly aýdandarynda túnde, al kúndiz taýly aımaqtarda naızaǵaı kútiledi. Taýly asýlarda soltústik-shyǵystan soǵatyn jeldiń ekpini 15–20 m/s deıin kúsheıedi. Oblys boıynsha tótenshe órt qaýpi saqtalady.

Ulytaý oblysynda joǵary órt qaýpi saqtalady, al ońtústiginde tótenshe órt qaýpi baıqalady.

Aıta keteıik, buǵan deıin el megapolısterinde aldaǵy úsh táýlikte kún raıy qandaı bolatyny habarlandy.