Jańbyr, jel, naızaǵaı: birneshe óńirde aýa raıyna baılanysty eskertý jarııalandy

ASTANA. KAZINFORM — Sınoptıkter 12 mamyr, dúısenbi kúni elimizdiń birqatar óńirinde eskertý jarııalady. 

Astanada túnde jáne tańerteń tumandy aýa raıy bolady.

Atyraý oblysynyń batysynda jáne soltústiginde naızaǵaı, kúndiz burshaq jaýýy múmkin. Soltústik, soltústik-batys jeli, kúndiz ońtústikte jáne shyǵysta 15-20 m/s jel turady. Atyraýdyń ońtústigi men batysynda órt qaýpi joǵary bolady. 

Batys Qazaqstan oblysynyń shyǵysynda túnde nóser jańbyr kútilýde. Ońtústik, soltústik jáne shyǵysta naızaǵaı, kúndiz soltústikte, shyǵysta naızaǵaı bolyp, burshaq jaýýy múmkin. Soltústik jeli, kúndiz ońtústik pen shyǵysta 15-20 m/s jel bolady. Oralda túnde naızaǵaı bolady.

Aqmola oblysynyń batysy men soltústiginde mezgil-mezgil naızaǵaı oınap, kúndiz burshaq jaýýy múmkin. Ońtústikte, shyǵysta tańerteń jáne túnde tuman bolady. Ońtústik-batys, ońtústik jeli, tańerteń jáne kúndiz batys pen soltústikte 15-20 m/s jel kútilýde. 

Ulytaý oblysy men Jezqazǵanda órt qaýpi joǵary bolady.

Almaty oblysynyń ońtústiginde jáne taýly aýdandarda naızaǵaı bolady. Oblystyń ortalyǵynda tótenshe órt qaýpi saqtalady, batys pen soltústikte órt qaýpi joǵary bolady. 

Almatyda túnde naızaǵaı bolady.

Shyǵys Qazaqstan oblysynyń soltústiginde, shyǵysynda, ońtústiginde naızaǵaı bolyp, burshaq jaýýy múmkin. Soltústikte, shyǵysta tańerteń jáne túnde tuman bolady. Batys, soltústik-batys jeli, soltústikte, shyǵysta, ońtústikte 15-20 m/s jel bolady. Shyǵystyń soltústik-batysy men ońtústiginde órt qaýpi joǵary bolady. Óskemende túnde naızaǵaı bolady.

Abaı oblysynyń shyǵysynda, ońtústiginde, ortalyǵynda túnde naızaǵaı bolady. Soltústikte, ońtústikte tańerteń jáne túnde tuman túsedi. Soltústik-batys, soltústik jeli, shyǵysta, ońtústikte 15-20 m/s jel turady. Oblystyń batysy, soltústigi men ońtústiginde órt qaýpi joǵary saqtalady. Semeıde órt qaýpi joǵary bolady. 

Jambyl oblysynyń taýly aımaqtarynda túnde naızaǵaı bolady. Jel soltústik-shyǵystan, tańerteń jáne kúndiz oblystyń ońtústik-batysynda, soltústik-shyǵysynda, taýly aýdandarynda 15-20 m/s bolady. Oblystyń soltústiginde jáne ońtústik-shyǵysynda órt qaýpi joǵary bolady, batys jáne ortalyq aımaqtarynda tótenshe órt qaýpi bar. 

Aqtóbe oblysynda jeldiń ekpini ońtústik-shyǵystan, ońtústikten, túnde batysta, kúndiz soltústikte, batysta, ońtústikte 15-20 m/s bolady. Ońtústikte kúndiz 35 gradýsqa deıin ystyq bolady. Oblystyń ońtústik-shyǵysy, batysy órt qaýpi joǵary bolady. Aqtóbede jel ońtústik-shyǵystan, ońtústikten, kúndiz 15 m/s bolady.

Qaraǵandy oblysynyń batysy, soltústigi, shyǵysynda túnde jáne tańerteń tuman bolady. Oblysta órt qaýpi joǵary bolady. Qaraǵandyda túnde jáne tańerteń tuman túsedi. 

Pavlodar oblysynyń soltústiginde, shyǵysynda kúndiz naızaǵaı bolady. Ońtústikte túnde tuman bolady. Oblystyń ońtústik bóliginde órt qaýpi joǵary bolady. 

Qostanaı oblysynda túnde naızaǵaı bolady, kúndiz batys pen soltústikte naızaǵaı, burshaq jaýýy múmkin. Batys aımaqta túnde tuman kútilýde. Jel shyǵysynan, kúndiz soltústikte, shyǵysta 15-20 m/s bolady. Ońtústikte órt qaýpi joǵary bolady. Qostanaıda naızaǵaı bolady.

Qyzylorda oblysynda órt qaýpi tótenshe joǵary bolady. 

Soltústik Qazaqstan oblysynyń ońtústiginde kúndiz naızaǵaı bolady. Batys aımaqta tuman kútilýde. Jel ońtústikten, ońtústikte kúndiz 15-20 m/s bolady.

Mańǵystaý oblysynyń soltústiginde, ońtústiginde naızaǵaı bolady, kúndiz burshaq jaýýy múmkin. Batys aımaqta túnde tuman bolady. Kúndiz soltústikte, shyǵysta shańdy daýyl bolady. Jel ońtústik-shyǵystan soltústik-batysqa ótedi, soltústikte, shyǵysta 15-20 m/s bolady. Ońtústikte kúndiz 38 gradýsqa deıin ystyq bolady. Oblys boıynsha órt qaýpi joǵary bolady. Aqtaýda túnde jáne tańerteń tuman bolady.