Jańbyr, jel, burqasyn: Qazgıdromet 16 naýryzǵa arnalǵan aýa raıy boljamyn jarııalady

ASTANA. KAZINFORM – «Qazgıdromet» RMK el aýmaǵynda 16 naýryzda bolatyn qaýipti meteorologııalyq qubylystarǵa boljam jasady.

Sınoptıkterdiń málimetinshe, elimizdiń basym bóliginde atmosferalyq frontaldy bólimderdiń ótýimen aýa raıynyń turaqsyz sıpaty saqtalady.

«Sonymen qatar jańbyr men qar túrinde jaýyn-shashyn bolady, kúndiz eldiń ońtústik-batysynda qatty jańbyr kútiledi. Tek QR-nyń ońtústiginde, ońtústik-shyǵysynda antıtsıklonnyń áserinen jaýyn-shashynsyz aýa raıy saqtalady», — delingen vedomstvo aqparatynda.

El boıynsha tuman, jeldiń kúsheıýi, jaıaý burqasyn, kóktaıǵaq, ońtústikte, ońtústik-batysta shańdy daýyl kútiledi.