Jańbyr, jel, aptap ystyq: 7 maýsym kúni aýa raıy qandaı bolady
ASTANA. KAZINFORM – «Qazgıdromet» RMK 7 maýsymǵa arnalǵan aýa raıy boljamyn jarııalady, dep habarlaıdy Kazinform.
Astanada joǵary órt qaýpi kútiledi.
Almatyda kúndiz azdaǵan jańbyr jaýyp, naızaǵaı oınaıdy.
Shymkentte joǵary órt qaýpi saqtalady.
Abaı oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy. Soltústik-batystan soqqan jeldiń ekpini oblystyń batysynda, ońtústiginde jáne ortalyǵynda sekýndyna 15-20 metrge jetedi. Kúndiz oblystyń ońtústiginde aýa temperatýrasy 35 gradýsqa deıin kóteriledi. Oblysta joǵary órt qaýpi, al soltústik-batysynda, ońtústiginde jáne ortalyǵynda tótenshe órt qaýpi saqtalady.
Aqmola oblysynda túnde azdaǵan jańbyr jaýyp, naızaǵaı bolady. Kúndiz oblystyń batysynda, soltústiginde jáne shyǵysynda ótkinshi jańbyr men naızaǵaı kútiledi. Ońtústik-batystan soqqan jeldiń ekpini kúndiz sekýndyna 15-20 metrge jetedi. Oblystyń ońtústigi men shyǵysynda joǵary órt qaýpi saqtalady.
Aqtóbe oblysynda túnde batys pen soltústikte azdaǵan jańbyr jaýyp, naızaǵaı oınaıdy. Túnde jáne tańerteń oblystyń soltústiginde tuman túsedi. Ońtústik jáne ońtústik-shyǵystan soqqan jeldiń ekpini kúndiz oblystyń ońtústigi men ortalyǵynda sekýndyna 15-18 metrge jetedi. Oblystyń ońtústiginde tótenshe órt qaýpi saqtalady.
Atyraý oblysynda túnde jańbyr jaýyp, naızaǵaı oınaıdy. Kúndiz oblystyń batysynda keı ýaqytta qatty jańbyr jaýyp, burshaq túsip, qatty jel soǵady. Ońtústik-batystan soǵyp, keıin soltústik-batysqa aýysatyn jeldiń ekpini sekýndyna 15-20 metrge jetedi.
Almaty oblysynda túnde ótkinshi jańbyr jaýyp, naızaǵaı bolady. Kúndiz oblystyń soltústigi men ońtústiginde azdaǵan jańbyr jaýyp, naızaǵaı kútiledi. Taýly aýdandarda ótkinshi jańbyr jaýady. Shyǵys jáne ońtústik-shyǵystan soqqan jeldiń ekpini oblystyń ońtústiginde, shyǵysynda jáne taýly aýdandarynda sekýndyna 18 metrge jetedi. Oblystyń soltústiginde tótenshe órt qaýpi, batysy men soltústiginde joǵary órt qaýpi saqtalady, al ortalyǵynda joǵary órt qaýpi kútiledi.
Jambyl oblysynda túnde taýly aýdandarda, kúndiz oblystyń soltústiginde, shyǵysynda jáne taýly aýdandarynda ótkinshi jańbyr jaýyp, naızaǵaı bolady. Ońtústik-shyǵystan soqqan jeldiń ekpini kúndiz taýly aýdandarda sekýndyna 15-20 metrge jetedi. Oblystyń batysynda, ońtústiginde jáne shyǵysynda joǵary órt qaýpi saqtalady.
Jetisý oblysynda ótkinshi jańbyr jaýyp, naızaǵaı bolady. Alakól aýdanynda soltústik-batystan soqqan jeldiń ekpini sekýndyna 15-20 metrge jetedi. Oblystyń batysynda joǵary órt qaýpi, al soltústigi men shyǵysynda tótenshe órt qaýpi saqtalady.
Batys Qazaqstan oblysynda jańbyr jaýyp, naızaǵaı oınaıdy, oblystyń ońtústigi men shyǵysynda qatty jańbyr jaýyp, burshaq túsip, qatty jel soǵady. Soltústik-batystan soqqan jeldiń ekpini kúndiz oblystyń batysy men ońtústiginde sekýndyna 15-20 metrge jetedi. Oblystyń batysynda joǵary órt qaýpi saqtalady.
Shyǵys Qazaqstan oblysynda kúndiz jańbyr jaýyp, naızaǵaı bolady. Soltústik-batys jáne soltústikten soqqan jeldiń ekpini kúndiz oblystyń soltústigi men shyǵysynda sekýndyna 15-20 metrge jetedi. Oblystyń soltústik-batysynda jáne ortalyǵynda joǵary órt qaýpi, al ońtústiginde tótenshe órt qaýpi saqtalady.
Qaraǵandy oblysynyń shyǵysynda jáne ońtústiginde jańbyr jaýyp, naızaǵaı kútiledi. Oblystyń batysynda, soltústiginde jáne ortalyǵynda tótenshe órt qaýpi, shyǵysynda joǵary órt qaýpi saqtalady.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Túnde jáne tańerteń oblystyń soltústiginde tuman túsedi. Oblystyń ońtústiginde, shyǵysynda jáne ortalyǵynda joǵary órt qaýpi saqtalady.
Qyzylorda oblysynda tótenshe órt qaýpi saqtalady, al ortalyǵy men ońtústik-shyǵysynda joǵary órt qaýpi kútiledi.
Mańǵystaý oblysynda jańbyr jaýyp, naızaǵaı oınaıdy, oblystyń soltústigi men ortalyǵynda keı ýaqytta qatty jańbyr jaýyp, burshaq túsip, qatty jel soǵady. Soltústik-batystan soqqan jeldiń ekpini kúndiz oblystyń batysynda, ońtústiginde jáne ortalyǵynda sekýndyna 15-20 metrge jetedi. Oblystyń ortalyǵynda joǵary órt qaýpi saqtalady.
Pavlodar oblysynda jańbyr jaýyp, naızaǵaı bolady. Soltústik-batystan soqqan jeldiń ekpini oblystyń batysynda, soltústiginde jáne shyǵysynda sekýndyna 18 metrge jetedi. Kúndiz aptap ystyq 35 gradýsqa deıin kóteriledi. Oblystyń batysynda, ońtústiginde jáne shyǵysynda joǵary órt qaýpi saqtalady.
Soltústik Qazaqstan oblysynda jańbyr jaýyp, naızaǵaı bolady, kúndiz burshaq túsip, qatty jel soǵady. Túnde jáne tańerteń oblystyń batysynda tuman kútiledi. Ońtústik-batystan soqqan jeldiń ekpini oblystyń batysynda, soltústiginde jáne ońtústiginde sekýndyna 15-20 metrge jetedi.
Túrkistan oblysynda tańerteń jáne kúndiz taýly aýdandarda ótkinshi jańbyr jaýyp, naızaǵaı bolady. Soltústik-batystan soqqan jeldiń ekpini taýly aýdandarda sekýndyna 15-20 metrge jetedi. Oblysta joǵary órt qaýpi saqtalady, al ortalyǵynda tótenshe órt qaýpi kútiledi.
