Jańbyr jaýyp, jel kúsheıedi: 30 naýryzǵa aýa raıy boljamy
ASTANA. KAZINFORM – «Qazgıdromet» RMK sınoptıkteri 30 naýryz kúni eldiń birqatar bóliginde aýa raıyna baılanysty eskertý jarııalady.
Atyraý oblysynyń batysy, ońtústigi jáne shyǵysynda jańbyr men naızaǵaı kútiledi. Túnde jáne tańerteń batys pen ońtústikte tuman bolady. Ońtústik-shyǵystan jáne shyǵystan jel soǵyp, kúndiz oblystyń shyǵysynda ekpini 15-20 m/s jetedi. Atyraý qalasynda jańbyr men naızaǵaı, sondaı-aq túnde jáne tańerteń tuman kútiledi.
Aqmola oblysynyń soltústik jáne shyǵys aımaqtarynda tuman bolady. Kókshetaýda túngi jáne tańǵy ýaqytta tuman saqtalady.
Qostanaı oblysynyń soltústik jáne batys bóliginde tuman kútiledi. Oblystyń ońtústiginde órt qaýipi joǵary. Qostanaı qalasynda túnde jáne tańerteń tuman bolady.
Mańǵystaý oblysynyń ońtústik, batys jáne ortalyq aýdandarynda jańbyr men naızaǵaı, kúndiz keı jerlerde qatty jańbyr kútiledi. Soltústik-shyǵysynda jeldiń ekpini 15-20 m/s jetedi. Batys jáne ortalyq bólikterinde tuman bolady. Aqtaýda túngi jáne tańerteńgi ýaqytta tuman saqtalady.
Qaraǵandy oblysynyń soltústik jáne shyǵys aımaqtarynda tuman bolady.
Ulytaý oblysynda soltústik-shyǵystan jáne shyǵystan jel soǵyp, kúndiz soltústik bóliginde ekpini 15-18 m/s jetedi.
Aqtóbe oblysynda shyǵys jáne ońtústik-shyǵys jeli soǵyp, oblystyń soltústik, ońtústik jáne ortalyq aımaqtarynda ekpini 15-18 m/s bolady.
Batys Qazaqstan oblysynyń ońtústik jáne batys bóliginde naızaǵaı kútiledi. Túnde jáne tańerteń batys, soltústik jáne ońtústik aımaqtarynda tuman bolady. Oral qalasynda túngi jáne tańerteńgi ýaqytta tuman bolady.
Túrkistan oblysynyń batysynda jáne Túrkistan qalasynda órt qaýipi joǵary deńgeıde saqtalady.
Abaı oblysynyń soltústik, ońtústik jáne ortalyq aımaqtarynda tuman bolady. Semeı qalasynda túnde jáne tańerteń tuman saqtalady.
Jetisý oblysynda soltústik-shyǵystan jel soǵyp, kúndiz shyǵys, soltústik jáne taýly aýdandarda ekpini 15-20 m/s jetedi. Oblystyń ońtústiginde órt qaýpi joǵary.
Soltústik Qazaqstan oblysynyń batys, soltústik jáne ońtústik bólikterinde tuman bolady. Petropavl qalasynda tuman kútiledi.
Qyzylorda oblysynyń shyǵys aımaqtarynda órt qaýipi saqtalady.
Pavlodar oblysynyń soltústik jáne shyǵys bólikterinde tuman bolady. Pavlodar qalasynda tuman baıqalady.
Shyǵys Qazaqstan oblysynyń soltústik, shyǵys jáne ońtústik aımaqtarynda tuman bolady. Óskemen qalasynda túnde jáne tańerteń tuman saqtalady.
Jambyl oblysynyń taýly aýdandarynda tuman bolady. Soltústik-shyǵysynda shańdy daýyl kútiledi. Jel soltústik-shyǵystan soǵyp, oblystyń ońtústik-batysy, soltústik-shyǵysy jáne taýly aımaqtarynda ekpini 15-20 m/s jetedi.
Almaty oblysynda ońtústik-shyǵystan soqqan jel batysqa aýysyp, kúndiz shyǵys jáne ortalyq aımaqtarda ekpini 18 m/s bolady.
Budan buryn 29 naýryzda respýblıka boıynsha qaı joldar jabyq turǵanyn habarlaǵanbyz.
