Jańbyr jaýyp, tuman túsedi: 22 naýryzǵa arnalǵan aýa raıy boljamy

ALMATY. KAZINFORM – Qazaqstannyń ońtústik bóliginde atmosferalyq frontaldy bólikterdiń ótýine baılanysty aýa raıy qubylmaly bolady, jańbyr, qar jaýady, keı ýaqyttarda jel kúsheıedi, dep habarlaıdy «Qazgıdromet» RMK.

Sınoptıkterdiń boljamy boıynsha, respýblıkanyń soltústik jartysynda atmosferalyq qysymnyń joǵarylaýy áserinen aýa raıy jaýyn-shashynsyz bolady.

Erteń el boıynsha tuman túsedi, shyǵysta kóktaıǵaq bolady, eldiń ońtústiginde naızaǵaı oınaıdy.

Jambyl oblysynyń taýly aımaqtarynda ońtústik-batystan soǵatyn jeldiń ekpini 30 m/s jáne odan da joǵary bolýy múmkin.