Jańbyr, úsik, naızaǵaı: Aýa raıyna baılanysty birqatar óńirde eskertý jarııalandy

ASTANA. KAZINFORM – Sınoptıkter aýa raıyna baılanysty 7 qyrkúıekte elimizdiń birqatar óńirinde daýyldy eskertý jarııalady.

«Qazgıdromet» sınoptıkteriniń boljamy boıynsha, Ulytaý oblysynda soltústik-batystan jel soǵady, kúndiz oblystyń soltústiginde soqqan jeldiń ekpini 15-20 m/s bolady. Oblystyń basym bóliginde joǵary órt qaýpi, oblystyń ońtústiginde tótenshe órt qaýpi saqtalady. Jezqazǵanda da joǵary órt qaýpi bar.

Kúndiz Qostanaı oblysynyń shyǵysynda, ońtústiginde naızaǵaı oınap, kún raıy buzylady. Kúndiz oblystyń soltústiginde, shyǵysynda, ońtústiginde soltústik-batystan soqqan jeldiń ekpini 15-20 m/s jetedi. Oblystyń ońtústiginde joǵary órt qaýpi saqtalady.

Abaı oblysynyń batysynda, soltústiginde, shyǵysynda ońtústik-batystan, batystan jel soǵady, ekpini - 15-20 m/s. Oblystyń batysynda, soltústik-batysynda, ońtústiginde tótenshe órt qaýpi saqtalady. Semeıde kúndiz ońtústik-batystan, batystan sekýndyna 15-18 metr jyldamdyqpen jel soǵady dep boljanady.

Túnde Shyǵys Qazaqstan oblysynyń soltústiginde, shyǵysynda, ońtústiginde jaýyn-shashyn (jańbyr, qar) bolady. Túnde oblystyń soltústiginde, shyǵysynda tuman bolady. Kúndiz oblystyń batysynda, soltústiginde, ońtústiginde ońtústik-batystan, batystan soqqan jeldiń ekpini 15-20 m/s bolady. Túnde oblystyń shyǵysynda úsik júredi, synap baǵany 2 gradýs sýyqty kórsetedi.

Almaty oblysynyń ońtústiginde arakidik jańbyr jaýady, Almaty qalasynyń jáne oblystyń taýly aýdandarynda jaýyn-shashyn (jańbyr, qar) bolady. Oblystyń batysynda, ońtústiginde, taýly aýdandarynda naızaǵaı oınap, soltústik-batystan jel soǵady, oblystyń batysynda, ońtústiginde, taýly aýdandarynda soqqan jeldiń ekpini 18-23 m/s jetedi. Oblystyń soltústiginde joǵary órt qaýpi saqtalady. Almaty qalasynda keı ýaqyttarda naızaǵaı oınaıdy. Soltústik-batystan soqqan jeldiń naızaǵaı kezindegi ekpini - 18 m/s. Qonaev qalasynda túnde jáne tańereteń naızaǵaı oınaıdy. Soltústik-batystan soqqan jeldiń ekpini 18-23 m/s deıin jetedi.

Túnde Jambyl oblysynyń taýly aýdandarynda jańbyr jaýady. Túnde oblystyń ońtústiginde, taýly aýdandarynda naızaǵaı oınaıdy, kúndiz oblystyń taýly aýdandarynda burshaq túsedi. Oblystyń taýly aýdandarynda soltústik-batystan soqqan jeldiń ekpini 15-20 m/s, keı tusta 23 m/s deıin jetedi. Oblystyń basym bóliginde tótenshe órt qaýpi saqtalady. Tarazda tótenshe órt qaýpi saqtalady.

Qaraǵandy oblysynda batysynda, soltústiginde, shyǵysynda burshaq túsedi. Kúndiz oblystyń soltústiginde, shyǵysynda batystan, ońtústik-batystan soqqan jeldiń ekpini 15-20 m/s bolady. Túnde oblystyń soltústiginde, shyǵysynda topyraq beti qatyp, úsik júredi, synap baǵany 2 gradýs sýyqty kórsetedi. Oblystyń batysynda, shyǵysynda joǵary órt qaýpi saqtalady. Qaraǵandyda burshaq túsedi.

Qyzylorda oblysynyń basym bóliginde tótenshe órt qaýpi, oblystyń soltústik-shyǵysynda joǵary órt qaýpi saqtalady. Qyzylordada da tótenshe órt qaýpi saqtalady.

Pavlodar oblysynyń soltústiginde, batysynda, ońtústiginde batystan soqqan jeldiń ekpini 15-20 m/s bolady.

Kúndiz Soltústik Qazaqstan oblysynyń ońtústiginde soltústik-batystan soqqan jeldiń ekpini 15-20 m/s jetedi.

Kúndiz Aqmola oblysynyń batysynda, soltústiginde, shyǵysynda batystan, ońtústik-batystan soqqan jeldiń ekpini 15-20 m/s bolady.

Túrkistan oblysynda soltústik-batystan jel soǵady, taý asýlarynda soqqan jeldiń ekpini 15-20 m/s deıin jetedi. Oblystyń basym bóliginde tótenshe órt qaýipi saqtalady. Shymkentte tótenshe órt qaýpi bar. Túrkistanda da tótenshe órt qaýpi saqtalady.

Atyraý oblysynyń basym bóliginde tótenshe órt qaýpi saqtalady. Atyraý qalasynda da tótenshe órt qaýpi bar.

Batys Qazaqstan oblysynyń batysynda, soltústiginde joǵary órt qaýpi saqtalady, oblystyń basym bóliginde tótenshe órt qaýpi bar. Oralda da joǵary órt qaýpi saqtalady.

Túnde Jetisý oblysynyń taýly aýdandarynda jaýyn-shashyn (jańbyr, qar) bolady. Oblystyń ońtústiginde, shyǵysynda soltústik-batystan jel soǵady, ekpini - 15-20 m/s, kúndiz keı tusta 23-28 m/s deıin jetedi. Oblystyń soltústiginde tótenshe órt qaýpi, oblastyń basym bóliginde joǵary órt qaýpi saqtalady.