Jańbyr, tuman, jel: 14 maýsymǵa arnalǵan aýa raıy boljamy usynyldy
ASTANA. KAZINFORM — «Qazgıdromet» RMK Qazaqstan aımaqtarynda 2025 jylǵy 14 maýsymda bolatyn qaýipti meteorologııalyq qubylystarǵa boljamy jarııalandy.
Sınoptıkter málimetinshe, respýblıkanyń kóp bóligine ońtústik tsıklon jáne onymen baılanysty atmosferalyq frontaldy bólimder áser etedi.
— Naızaǵaımen jańbyr jaýady. Kúndiz eldiń soltústiginde jaýyn quıady. Batysynda, soltústiginde, shyǵysynda, ortalyǵynda burshaq jaýady. Soltústik-batysynda, soltústiginde, ortalyǵynda túnde jáne tańerteń tuman bolady. Respýblıka boıynsha jel kúsheıýi kútiledi, — delingen habarlamada.
Kún qubylmaly bolǵanymen birneshe óńirde joǵary órt qaýpi saqtalady.
— Almaty, Batys Qazaqstan, Ulytaý, Jetisý, Abaı oblystarynda, Palodar oblysynyń batysynda, ońtústiginde, Aqtóbe oblysynyń ortalyǵynda, Jambyl oblysynyń shyǵysynda, Mańǵystaý oblysynyń soltústik-batysynda, ońtústik-shyǵysynda, ortalyǵynda, Aqmola oblysynyń ońtústiginde, Soltústik-Qazaqstan oblysynyń batysynda, soltústiginde, Qostanaı oblysynyń soltústik-batysynda, ońtústik-shyǵysynda, Qaraǵandy oblysynyń soltústiginde, ortalyǵynda, Shyǵys Qazaqstan oblysynyń soltústiginde, ortalyǵynda, ońtústik jartysynda joǵary órt qaýpi kútiledi, — dep qosty mamandar.
Sonymen qatar Qyzylorda, Jambyl oblystarynda, Túrkistan oblysynyń batysynda, ońtústiginde, taý bókterindegi aýdandarda, Atyraý oblysynyń shyǵysynda, ortalyǵynda, Aqtóbe oblysynyń batysynda, soltústiginde, ońtústikte, ońtústik-shyǵysynda, Almaty oblysynyń batysynda, soltústiginde, Mańǵystaý oblysynyń soltústiginde, shyǵysynda, Qostanaı oblysynyń ońtústiginde, Ulytaý oblysynyń ońtústiginde, ortalyǵynda, Qaraǵandy oblysynyń batysynda, shyǵysynda, ońtústiginde, Abaı oblysynyń ońtústik-batysynda, ońtústiginde, Jetisý oblysynyń soltústiginde, shyǵysynda, Batys Qazaqstan oblysynyń soltústiginde, ońtústiginde tótenshe órt qaýpi kútiledi.
Budan bólek kúndiz Jetisý, Abaı, Batys Qazaqstan, Atyraý, Mańǵystaý, Shyǵys Qazaqstan, Qyzylorda, Aqtóbe, Jambyl oblystarynda, Ulytaý oblysynyń batysynda, Qostanaı oblysynyń ońtústiginde 35-40 gradýs qatty ystyq kútiledi.
Buǵan deıin sınoptıkter maýsym aıy qandaı bolatynyn boljaǵan edi.