Jańbyr, tuman, kóktaıǵaq: aldaǵy úsh kúnge arnalǵan aýa raıy boljamy
ASTANA. KAZINFORM — Qazgıdromet 24-26 qazan kúnderindegi aýa raıy boljamyn jarııalady, dep habarlaıdy Kazinform.
«Taıaýdaǵy úsh táýlikte Qazaqstannyń basym bóliginde tsıklonnyń yqpalymen turaqsyz aýa-raıy saqtalady, jaýyn-shashyn (jańbyr, qar) boljanady, 24 qazanda respýblıkanyń ońtústik-shyǵysynda qatty jańbyr, taýly aýdandarda qatty jaýyn-shashyn (jańbyr, qar) kútiledi. Respýblıka boıynsha jeldiń kúsheıýi, tuman jáne kóktaıǵaq qubylystary kútilýde. Temperatýralyq rejımde aıtarlyqtaı ózgerister kútilmeıdi», — delingen Qazgıdromet habarlamasynda.
