«Jańbyr, tuman, kóktaıǵaq»: 11 óńirde daýyldy eskertý jarııalandy

ASTANA. KAZINFORM – Elimizdiń 11 oblysynda 19 qazanda daýyldy eskertý jarııalandy. Bul týraly «Qazgıdromet» RMK habar taratty. 

Batys Qazaqstan oblysynyń ońtústiginde, soltústik-batysynda qatty jańbyr jaýady dep kútiledi. Túnde jáne tańerteń oblystyń soltústiginde, shyǵysynda tuman bolady. Kúndiz oblystyń soltústiginde, shyǵysynda soltústik-batystan soqqan jeldiń ekpini 15-20 m/s quraıdy. Oralda túnde jáne tańerteń tuman túsedi dep kútiledi. Soltústik-batystan soqqan jeldiń kúndizgi ekpini - 18 m/s.

Túnde Atyraý oblysynyń ońtústik-shyǵysynda qatty jańbyr jaýady dep kútiledi. Túnde jáne tańerteń oblystyń batysynda, soltústiginde, ońtústiginde tuman túsedi. Túnde oblystyń soltústiginde, shyǵysynda ońtústik-shyǵystan soltústik-batysqa oıysa soqqan jeldiń ekpini 17-22 m/s quraıdy. Atyraýda túnde jáne tańerteń tuman túsedi dep kútiledi.

Aqtóbe oblysynda ońtústik-shyǵystan, shyǵystan jel soǵady, oblystyń batysynda, ońtústiginde, ortalyǵynda soqqan jeldiń ekpini 15-20 m/s bolady dep kútiledi.

Kúndiz Almaty oblysynyń ortalyǵynda, shyǵysynda shyǵystan soqqan jeldiń ekpini 17-22 m/s quraıdy. Qonaevta shyǵystan jel soǵady, kúndizgi ekpini - 17-22 m/s.

Túnde jáne tańerteń Soltústik Qazaqstan oblysynyń batysynda, soltústiginde tuman túsedi dep kútiledi. Petropavlda túnde jáne tańerteń tuman bolady dep kútiledi.

Kúndiz Qyzylorda oblysynyń batysynda naızaǵaı oınap, daýyl turady dep kútiledi. Oblystyń ortalyǵynda, batysynda shyǵystan soqqan jeldiń ekpini 15-20 m/s quraıdy dep kútiledi.

Túnde Mańǵystaý oblysynyń ortalyǵynda qatty jańbyr jaýady dep kútiledi. Kúndiz oblystyń batysynda, soltústiginde, shyǵysynda naızaǵaı oınaıdy. Túnde oblystyń soltústiginde, shyǵysynda soltústik-batystan soqqan jeldiń ekpini 15-20 m/s quraıdy.

Túnde jáne tańerteń Abaı oblysynyń batysynda, soltústiginde, ortalyǵynda tuman túsedi dep kútiledi.

Shyǵys Qazaqstan oblysynyń soltústiginde, shyǵysynda, ońtústiginde tuman túsedi, kóktaıǵaq bolady dep kútiledi.

19-20 qazanda Jambyl oblysynyń batysynda, shyǵysynda, taýly aýdandarynda tuman túsedi dep kútiledi. Oblystyń ońtústik-batysynda, soltústik-shyǵysynda, taýly aýdandarynda soltústik-shyǵystan soqqan jeldiń ekpini 15-20 m/s, keı tusta 25 m/s deıin jetedi. Tarazda túnde jáne tańerteń tuman túsedi dep kútiledi.

Túnde jáne tańerteń Jetisý oblysynyń taýly aýdandarynda tuman túsedi dep kútiledi. Soltústik-shyǵystan jel soǵady, Alakól aýdanynda soqqan jeldiń ekpini 15-20 m/s quraıdy. Taldyqorǵanda túnde synap baǵany 5-7 gradýs sýyqty kórsetedi, úsik júredi dep kútiledi.