Jańbyr, naızaǵaı, jel: Qazaqstannyń barlyq aýmaǵynda daýyldy eskertý jarııalandy
ASTANA. KAZINFORM – 26 mamyr kúni Qazaqstannyń 17 óńirinde naızaǵaı, burshaq, qatty jel jáne órt qaýpine baılanysty daýyldy eskertý jarııalandy. Bul týraly «Qazgıdromet» respýblıkalyq memlekettik kásipornyna silteme jasap habarlaıdy.
Astana qalasynda soltústik, soltústik-batystan soǵatyn jeldiń jyldamdyǵy kúndiz 15-20 m/s-ke deıin jetedi.
Almaty qalasynda keı ýaqyttarda naızaǵaı kútiledi. Kúndiz burshaq jaýýy múmkin. Soltústik-batystan soǵatyn jeldiń ekpini - 18-23 m/s.
Shymkent qalasynda naızaǵaı boljanyp otyr. Soltústik-shyǵystan soǵatyn jeldiń ekpini - 15-20 m/s. Óńirde óte joǵary órt qaýpi saqtalady.
Abaı oblysynyń soltústigi men shyǵysynda qatty jańbyr, kúndiz naızaǵaı, burshaq jáne jel kútiledi. Túnde jáne tańerteń batysy men soltústiginde tuman túsedi. Soltústik, soltústik-batystan soǵatyn jel soltústiginde, ońtústigi men ortalyǵynda 15-20 m/s, ekpini 25 m/s-ke deıin jetedi. Oblystyń ońtústik-shyǵysy men ońtústiginde joǵary jáne óte joǵary órt qaýpi saqtalady.
Aqmola oblysynyń batysy men soltústiginde túnde jańbyr, keı jerlerde qar jaýady. Soltústik, soltústik-batystan soǵatyn jel kúndiz soltústiginde, ońtústigi men shyǵysynda 15-20 m/s-ke deıin kúsheıedi.
Aqtóbe oblysynda soltústik-shyǵystan soǵatyn jel túnde ońtústigi men shyǵysynda 15-18 m/s jyldamdyqpen soǵady. Batysy men ońtústiginde joǵary, al ońtústik-shyǵysynda óte joǵary órt qaýpi saqtalady.
Atyraý oblysynda soltústik-shyǵystan, shyǵystan soǵatyn jel kúndiz oblystyń ońtústiginde 15-20 m/s jetedi. Soltústigi men shyǵysynda joǵary, al ońtústigi men batysynda óte joǵary órt qaýpi saqtalady.
Almaty oblysynyń ońtústigi men taýly aımaqtarynda keı jerlerde qatty jańbyr, burshaq jáne daýyl kútiledi. Soltústigi, ońtústigi jáne taýly aımaqtarynda naızaǵaı bolady. Jel ońtústik-batystan soltústik-batysqa aýysa otyryp, osy óńirlerde 18-23 m/s, keı jerlerde 28 m/s-ke deıin jetedi.
Shyǵys Qazaqstan oblysynyń soltústigi men shyǵysynda kúndiz qatty jańbyr, burshaq, daýyl kútiledi. Oblys boıynsha naızaǵaı bolady. Soltústik-batystan soltústik-shyǵysqa aýysatyn jel batysy, soltústigi men shyǵysynda 15-20 m/s-ke jetedi. Ońtústik-shyǵysynda óte joǵary órt qaýpi saqtalady.
Jambyl oblysynyń ońtústigi men taýly aýdandarynda naızaǵaı men burshaq kútiledi. Soltústigi men ońtústiginde shańdy daýyl turady. Soltústik-batystan soǵatyn jel túnde taýly aımaqtarda, kúndiz soltústik-shyǵysy men taýly aımaqtarda 15-20 m/s-ke jetedi. Soltústik pen ońtústiginde joǵary, al batysy men shyǵysynda óte joǵary órt qaýpi bar.
Jetisý oblysynda túnde naızaǵaı, kúndiz soltústik, ortalyq jáne taýly aýdandarynda naızaǵaı kútiledi. Batystan soǵatyn jel soltústik-shyǵysy, ortalyǵy men taýly aýdandarynda 15-20 m/s, keı jerlerde 23-28 m/s-ke jetedi. Soltústigi men ortalyǵynda joǵary, shyǵysynda óte joǵary órt qaýpi saqtalady.
Batys Qazaqstan oblysynyń soltústiginde túnde jáne tańerteń tuman túsedi. Shyǵysynda joǵary órt qaýpi saqtalady.
Qaraǵandy oblysynyń batysy men soltústiginde túnde jańbyr men qar jaýýy múmkin, al kúndiz batysy, shyǵysy jáne ońtústiginde naızaǵaı men burshaq kútiledi. Túnde jáne tańerteń batysy, soltústigi men shyǵysynda tuman túsedi. Soltústik jáne soltústik-batystan soǵatyn jel kúndiz batysy, soltústigi men ońtústiginde 15-20 m/s bolady.
Qostanaı oblysynyń ońtústik-shyǵysynda naızaǵaı, túnde jáne tańerteń batysy men soltústiginde tuman kútiledi. Soltústik-batystan soǵatyn jel soltústik, shyǵys jáne ońtústiginde 15 m/s. Ońtústiginde óte joǵary órt qaýpi saqtalady.
Qyzylorda oblysynyń soltústigi men ortalyǵynda shańdy daýyl kútiledi. Soltústik-shyǵystan soǵatyn jel túnde soltústigi men ortalyǵynda 15-20 m/s, kúndiz de osy deńgeıde soǵady. Óńirde óte joǵary órt qaýpi saqtalady.
Mańǵystaý oblysynyń batysynda joǵary órt qaýpi bar. Aqtaý qalasynda 26 mamyr kúni joǵary órt qaýpi saqtalady.
Pavlodar oblysynyń batysynda jańbyr men qar jaýýy múmkin. Kúndiz ońtústigi men ortalyǵynda naızaǵaı. Soltústik-batystan soǵatyn jel túnde soltústiginde 15-20 m/s, kúndiz de osy deńgeıde bolady. Túnde batysy men soltústiginde 2 gradýsqa deıin úsik bolady. Shyǵysynda joǵary, batysy men ońtústiginde óte joǵary órt qaýpi saqtalady.
Soltústik Qazaqstan oblysynyń soltústiginde túnde jańbyr men qar jaýady, kúndiz soltústik, ońtústik jáne shyǵysynda naızaǵaı kútiledi. Túnde jáne tańerteń shyǵysynda tuman bolady. Soltústik-batystan soǵatyn jel túnde soltústigi men shyǵysynda, kúndiz 15-20 m/s.
Túrkistan oblysynyń ońtústigi men taýly aımaqtarynda naızaǵaı, al soltústiginde shańdy daýyl kútiledi. Soltústik-shyǵystan soǵatyn jel soltústigi, ońtústigi men taýly óńirlerinde 15-20 m/s. Ońtústiginde joǵary, soltústigi men shóleıt jáne taýly etekterinde óte joǵary órt qaýpi saqtalady.
Ulytaý oblysynyń soltústiginde túnde jańbyr men qar jaýady, kúndiz soltústigi men shyǵysynda naızaǵaı men burshaq kútiledi. Soltústik jáne soltústik-shyǵystan soǵatyn jel soltústik, shyǵys jáne ońtústiginde 15-20 m/s bolady. Oblystyń ońtústiginde óte joǵary órt qaýpi saqtalady.
Aýa raıynyń qolaısyzdyǵyna baılanysty turǵyndarǵa qaýipsizdik sharalaryn saqtap, eskertý habarlamalaryn nazardan tys qaldyrmaý usynylady.