Jańbyr, naızaǵaı, jel: Qazaqstanda 15 shildede kún raıy qubylmaly bolady
ASTANA. KAZINFORM — «Qazgıdromet» mekemesiniń sınoptıkteri 15 shildede qazaqstandyqtarǵa aýa raıyna baılanysty eskertý jarııalady.
Astanada 15 shildede ótkinshi jańbyr jaýyp, naızaǵaı oınaıdy, daýyl turady. Jel ońtústik-shyǵystan soǵyp, keıin soltústik-batysqa aýysady. Keı ýaqytta ekpini 15-20 m/s-qa jetedi.
Aqmola oblysynyń batysynda, soltústiginde jáne shyǵysynda jańbyr jaýyp, naızaǵaı, daýyl, shańdy daýyl bolady, kúndiz burshaq jaýýy múmkin. Jel ońtústik-shyǵystan soǵyp, keıin soltústik-batysqa aýysady. Oblystyń batysynda, soltústiginde jáne shyǵysynda jeldiń ekpini 15-20 m/s, keı jerlerde 25 m/s-qa deıin kúsheıedi.
Qostanaı oblysynyń soltústik-shyǵysynda túnde jańbyr men naızaǵaı kútiledi. Kúndiz oblystyń batysynda, soltústiginde jáne shyǵysynda jańbyr, naızaǵaı, burshaq, daýyl bolady. Batysy men soltústiginde keı jerlerde nóser jańbyr jaýady. Túnde jáne tańerteń oblystyń soltústigi men shyǵysynda tuman túsedi. Jeldiń ekpini 15-20 m/s. Oblystyń ońtústigi men ortalyǵynda joǵary órt qaýpi saqtalady.
Mańǵystaý oblysynyń soltústik-shyǵysynda jańbyr men naızaǵaı kútiledi. Túnde jáne tańerteń oblystyń batysynda tuman bolady. Jel batystan, soltústik-batystan soǵady, kúndiz oblystyń batysynda ekpini 15-18 m/s-qa jetedi. Oblystyń soltústiginde, shyǵysynda jáne ortalyǵynda joǵary órt qaýpi saqtalady.
Qyzylorda oblysynyń soltústigi men ortalyǵynda shańdy daýyl kútiledi. Jel soltústikten soǵyp, keıin ońtústik jáne ońtústik-batys baǵytqa aýysady. Kúndiz oblystyń soltústigi men ortalyǵynda jeldiń ekpini 15-20 m/s bolady. Oblys boıynsha tótenshe órt qaýpi, al batysynda joǵary órt qaýpi saqtalady.
Abaı oblysynyń batysynda jáne ońtústik-batysynda jańbyr jaýyp, naızaǵaı oınaıdy. Jel soltústik-shyǵys pen shyǵystan soǵady. Kúndiz oblystyń soltústik-batysynda, shyǵysynda jáne ońtústiginde jeldiń ekpini 15-20 m/s-qa jetedi. Oblys boıynsha joǵary órt qaýpi saqtalady, al soltústigi men ońtústik-shyǵysynda tótenshe órt qaýpi kúshinde.
Almaty oblysynyń taýly aýdandarynda ótkinshi jańbyr jaýyp, naızaǵaı bolady. Jel batystan soǵady, taýly aýdandarda ekpini 15-20 m/s-qa deıin kúsheıedi. Kúndiz aptap ystyq bolyp, aýa temperatýrasy 35-38 gradýsqa jetedi. Oblystyń soltústiginde tótenshe órt qaýpi saqtalady. Batysynda, shyǵysynda, ortalyǵynda jáne ońtústiginde joǵary órt qaýpi kútiledi.
Atyraý oblysynyń soltústigi men shyǵysynda jańbyr jaýyp, naızaǵaı oınaıdy, al ońtústiginde azdaǵan jańbyr men naızaǵaı kútiledi. Oblystyń batysy men ońtústik-shyǵysynda joǵary órt qaýpi saqtalady.
Shyǵys Qazaqstan oblysynyń shyǵysy men ońtústiginde jańbyr jaýyp, naızaǵaı bolady. Jel batystan jáne soltústik-batystan soǵady. Kúndiz oblystyń shyǵysy men ońtústiginde ekpini 15-20 m/s-qa jetedi. Oblys boıynsha joǵary órt qaýpi saqtalady, al soltústik-batysynda, ońtústik-shyǵysynda jáne ortalyǵynda tótenshe órt qaýpi kúshinde.
Ulytaý oblysynda soltústik-batystan soǵatyn jeldiń ekpini kúndiz oblystyń soltústigi men shyǵysynda 15 m/s-qa jetedi. Oblys boıynsha joǵary órt qaýpi saqtalady.
Qaraǵandy oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Ortalyǵynda azdaǵan jańbyr men naızaǵaı kútiledi. Jel ońtústik-shyǵystan soǵyp, keıin ońtústik-batysqa aýysady. Kúndiz oblystyń batysynda, soltústiginde jáne shyǵysynda jeldiń ekpini 15 m/s-qa jetedi. Ońtústigi men shyǵysynda joǵary órt qaýpi, al batysy men soltústiginde tótenshe órt qaýpi saqtalady.
Soltústik Qazaqstan oblysynda túnde jańbyr jaýyp, naızaǵaı bolady, oblystyń shyǵysynda nóser jańbyr kútiledi. Kúndiz oblystyń ońtústigi men shyǵysynda jańbyr, naızaǵaı, burshaq jáne daýyl bolady. Túnde jáne tańerteń oblystyń batysynda tuman túsedi. Jel soltústik-shyǵys pen shyǵystan soǵady. Oblystyń ońtústik-batysy men shyǵysynda jeldiń ekpini 15-20 m/s, keı jerlerde 23-28 m/s-qa deıin kúsheıedi. Oblystyń ońtústik-shyǵysynda joǵary órt qaýpi kútiledi.
Jambyl oblysynyń taýly aýdandarynda soltústik-batystan soǵatyn jeldiń ekpini 15-20 m/s bolady. Oblys boıynsha joǵary órt qaýpi saqtalady, al batysy men soltústiginde tótenshe órt qaýpi kúshinde.
Pavlodar oblysynyń batysy men ońtústiginde jańbyr jaýyp, naızaǵaı kútiledi. Jel ońtústik-shyǵystan soǵady, kúndiz ekpini 15-20 m/s-qa jetedi. Oblys boıynsha joǵary órt qaýpi saqtalady, al ońtústik-shyǵysynda tótenshe órt qaýpi kúshinde.
Aqtóbe oblysynyń soltústigi men ortalyǵynda túnde azdaǵan jańbyr jaýyp, naızaǵaı bolady. Kúndiz oblystyń soltústiginde azdaǵan jańbyr, naızaǵaı, al shyǵysy men ortalyǵynda jańbyr, naızaǵaı, burshaq jáne daýyl kútiledi. Jel ońtústik-shyǵystan soǵyp, keıin batysqa aýysady. Kúndiz oblystyń soltústiginde, shyǵysynda jáne ońtústiginde jeldiń ekpini 15-20 m/s, keı jerlerde 23 m/s-qa deıin kúsheıedi. Kúndiz aýa temperatýrasy 35-36 gradýsqa deıin kóteriledi, al oblystyń ońtústiginde 40 gradýsqa deıin aptap ystyq bolady. Oblystyń batysynda, ońtústiginde jáne shyǵysynda joǵary órt qaýpi saqtalady, ońtústik-shyǵysynda tótenshe órt qaýpi kútiledi.
Jetisý oblysynyń taýly aýdandarynda ótkinshi jańbyr jaýyp, naızaǵaı bolady. Jel ońtústik-shyǵystan soǵady, oblystyń shyǵysynda ekpini 15-20 m/s-qa jetedi. 15-16 shilde kúnderi oblystyń batysy men ortalyǵynda joǵary órt qaýpi saqtalady.
Batys Qazaqstan oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Kúndiz burshaq jaýyp, daýyl turýy múmkin. Jel soltústik-batystan soǵady, kúndiz oblystyń batysynda, soltústiginde jáne shyǵysynda ekpini 15-20 m/s bolady. Kúndiz oblystyń ońtústiginde aýa temperatýrasy 36 gradýsqa deıin kóteriledi. Oblystyń batysynda joǵary órt qaýpi saqtalady.
Túrkistan oblysynda soltústik-batystan soǵatyn jeldiń ekpini taýly aýdandarda 15-20 m/s-qa jetedi. Oblys boıynsha tótenshe órt qaýpi saqtalady, al ońtústik-shyǵysynda joǵary órt qaýpi kúshinde.
Buǵan deıin ShQO-da shildede aptap ystyq pen jańbyr jıi almasyp turatynyn jazǵanbyz.
