Jańbyr, naızaǵaı, jel: 3 maýsymda kún qubylmaly bolady

ASTANA. KAZINFORM — Qazgıdromet sınoptıkteri 3 maýsym, dúısenbige arnalǵan aýa raıy boljamyn jarııalady. 

Qazaqstan aýmaǵynyń basym bóliginde atmosferalyq fronttardyń áserinen qubylmaly aýa raıy saqtalady.

Naızaǵaı oınap, jańbyr jaýady, eldiń shyǵysynda qatty jańbyr jaýady, kúndiz burshaq bolady.

Alaıda eldiń soltústik jáne ortalyq aımaqtaryna jaýyn-shashynsyz aýa raıyn ákeletin antıtsıklon áser etedi. 

Respýblıka boıynsha jel kúsheıedi, shyǵysta túngi jáne tańerteńgi ýaqytta tuman túsedi. 

Túrkistannyń taý bókterindegi aýdandarynda, Batys Qazaqstan, Qyzylorda, Mańǵystaý, Atyraý, Jambyl, Qostanaı, Aqtóbe, Qaraǵandy jáne Ulytaý oblystarynda órt qaýpi joǵary.

Túrkistan oblysynyń shóldi aýdandarynda, Atyraýdyń soltústik-batysynda, Qyzylorda oblysynyń shyǵysy men batysynda, Batys Qazaqstan jáne Shyǵys Qazaqstan oblystarynyń ońtústiginde tótenshe órt qaýpi saqtalady.