Jańbyr, naızaǵaı, jel: 28-30 qyrkúıekke sınoptıkter boljamy

«Qazgıdromet» RMK 28-30 qyrkúıek kúnderi qalyptasatyn aýa raıyna boljamyn usyndy, dep habarlaıdy QazAqparat.

Aldaǵy kúnderi respýblıkanyń basym bóliginde kún raıynyń qubylmaly sıpaty saqtalyp, jańbyr, naızaǵaı, ekpindi jel kútiledi.

Tek Qazaqstannyń batysynda soltústik-batys antıtsıklonynyń áserinen jaýyn-shashynsyz kún raıy áli de saqtalady.

Túnde jáne tańerteń eldiń soltústik jartysynda, respýblıkanyń ońtústik jáne ońtústik-shyǵysyndaǵy taýly aýdandarda tuman kútiledi.

Elimizdiń shyǵysynda 28-29 qyrkúıekte túngi ýaqytta 1-3 gradýsqa deıin úsik saqtalady.

Temperatýralyq fonda eleýli ózgerister kútilmeıdi, tek respýblıkanyń ońtústiginde, ońtústik-shyǵysynda aýa temperatýrasy kúndiz 17-23 jylyǵa deıin, taýly aýdandarda 8-13 jylyǵa deıin birtindep tómendeıdi.