Jańbyr, naızaǵaı, jel: 20 tamyz kúngi aýa raıy boljamy
ASTANA. KAZINFORM — Búgin biraz óńirde naızaǵaı oınap, jańbyr jaýady. Sınoptıkterdiń boljaýynsha, eldiń basym bóliginde aýa raıy turaqsyz.
Atmosferalyq fronttardyń ótýine baılanysty respýblıkanyń basym bóliginde turaqsyz aýa raıy bolady. Naızaǵaı oınap, jańbyr jaýyp, jl turady. Sondaı-aq burshaq jaýýy múmkin.
Elimizdiń soltústiginde, ortalyǵynda qatty jańbyr kútiledi. Tek respýblıkanyń ońtústiginde jaýyn-shashynsyz aýa raıy saqtalady. Respýblıka boıynsha jel kúsheıedi, túngi jáne tańerteńgi ýaqyttarda soltústikte tuman bolady.
Kúndiz Almaty oblysynda +35°S, Aqtóbe, Batys Qazaqstan, Atyraý oblystarynda jáne Jetisý oblysynda +35+38°S, Mańǵystaý oblysynda +38+40°S qatty ystyq kútiledi.
Qaraǵandy oblysynda naızaǵaı oınap, jańbyr men burshaq jaýýy yqtımal.
Shyǵys Qazaqstan oblysynda daýyl turyp, burshaq jaýady. Jeldiń ekpini 23 m/s.
Al Astana qalasynda jańbyr jaýady. Soltústikten jel soǵyp, kúndiz ekpini 15-18 m/s bolady.
Aıta keteıik, Tokıo jıilegen aptap ystyq, nóser jańbyr jáne basqa da qubylmaly aýa raıynyń saldarynan turǵyndardy qorǵaý úshin jańa sheshimderdi engizip jatyr.
