10 qyrkúıekte jańbyr jaýyp, jel kúsheıedi
ASTANA. KAZINFORM - Qazaqstanda 10 qyrkúıekte naızaǵaı, shańdy daýyl jáne 37 gradýsqa deıin ystyq bolady.
Qazaqstannyń 17 oblysy, sondaı-aq Astana men Shymkent qalasynda 10 qyrkúıekte aýa raıyna baılanysty eskertý jarııalandy.
Sınoptıkter jańbyr jaýyp, naızaǵaı oınap, jel kúsheıip, tuman basyp, shańdy daýyl bolatynyn boljady. Birqatar óńirde órt qaýpi joǵary jáne tótenshe deńgeıde saqtalady.
Astana: joǵary órt qaýpi saqtalady.
Abaı oblysy: soltústik-batysy men ońtústiginde joǵary órt qaýpi saqtalady.
Aqmola oblysy: batysy men soltústiginde jańbyr jaýyp, naızaǵaı oınaıdy. Batysynda túnde jáne tańerteń tuman túsedi. Jel ońtústik-shyǵystan soǵyp, batysy men soltústiginde ekpini 15–20 m/s-qa jetedi. Joǵary órt qaýpi saqtalady.
Aqtóbe oblysy: batysy, soltústigi men ortalyǵynda jańbyr jaýyp, naızaǵaı oınaıdy. Jel ońtústikten, ońtústik-batystan soǵady. Kúndiz batysy, soltústigi men ońtústiginde jeldiń ekpini 15–18 m/s bolady. Soltústik-shyǵysy men soltústik-batysynda joǵary, oblys boıynsha tótenshe órt qaýpi saqtalady.
Almaty oblysy: kúndiz aýa temperatýrasy 35 gradýsqa deıin kóteriledi. Ortalyǵy, batysy men shyǵysynda tótenshe, soltústiginde joǵary órt qaýpi saqtalady.
Atyraý oblysy: túnde soltústigi men shyǵysynda, kúndiz oblystyń basym bóliginde jańbyr jaýyp, naızaǵaı oınaıdy. Soltústiginde keı ýaqytta nóser jańbyr, burshaq jáne qatty jel bolady. Batysy men ońtústiginde túnde jáne tańerteń tuman túsedi. Kúndiz ońtústigi men shyǵysynda jeldiń ekpini 15–20 m/s-qa jetedi. Soltústigi, shyǵysy men ońtústiginde tótenshe órt qaýpi saqtalady.
Shyǵys Qazaqstan oblysy: túnde shyǵysy, ońtústigi jáne taýly aýdandarynda jańbyr jaýyp, naızaǵaı oınaıdy. Shyǵysy men ońtústiginde jel 15–18 m/s-qa deıin kúsheıedi. Ońtústik-shyǵysynda joǵary órt qaýpi saqtalady.
Jambyl oblysy: ońtústik-batysynda, soltústik-shyǵysynda jáne taýly aýdandarynda soltústik-shyǵystan soǵatyn jeldiń ekpini 15–20 m/s bolady. Tótenshe órt qaýpi saqtalady.
Jetisý oblysy: 10–11 qyrkúıekte kúndiz Alakól kólderi mańynda soltústik-shyǵystan soǵatyn jeldiń ekpini 15–20 m/s-qa jetedi. Kúndiz aptap ystyq bolyp, aýa temperatýrasy 35–37 gradýsqa deıin kóteriledi.
Batys Qazaqstan oblysy: jańbyr jaýyp, naızaǵaı oınaıdy. Kúndiz soltústigi men shyǵysynda nóser jańbyr jáne burshaq jaýýy múmkin. Jel soltústik-batystan ońtústik-shyǵysqa aýysyp, kúndiz batysy, soltústigi men shyǵysynda ekpini 15–20 m/s bolady.
Ońtústik-shyǵysynda tótenshe, soltústik-shyǵysy men shyǵysynda joǵary órt qaýpi saqtalady.
Qaraǵandy oblysy: joǵary órt qaýpi saqtalady.
Qostanaı oblysy: soltústigi, shyǵysy men ońtústiginde jańbyr jaýyp, naızaǵaı oınaıdy.
Batysy, soltústigi men shyǵysynda túnde jáne tańerteń tuman túsedi. Kúndiz shyǵysynda jeldiń ekpini 15–20 m/s bolady. Soltústik-batysynda joǵary, ońtústigi, ońtústik-shyǵysy men ortalyǵynda tótenshe órt qaýpi saqtalady.
Qyzylorda oblysy: ońtústigi men ortalyǵynda jańbyr jaýyp, naızaǵaı oınaıdy. Kúndiz shyǵysy men ortalyǵynda shańdy daýyl soǵady. Jel soltústik-batystan soǵyp, kúndiz shyǵysy men ortalyǵynda ekpini 15–20 m/s bolady. Oblys boıynsha tótenshe órt qaýpi saqtalady.
Mańǵystaý oblysy: batysy, soltústigi men ortalyǵynda jańbyr jaýyp, naızaǵaı oınaıdy. Batysy men soltústiginde túnde jáne tańerteń tuman túsedi. Kúndiz batysy, soltústigi men ortalyǵynda soltústik-batystan, batystan soǵatyn jeldiń ekpini 15–20 m/s-qa jetedi.
Soltústigi, shyǵysy men ortalyǵynda tótenshe órt qaýpi saqtalady.
Pavlodar oblysy: ortalyǵy, soltústigi men ońtústiginde joǵary órt qaýpi saqtalady.
Soltústik Qazaqstan oblysy: túnde batysy, soltústigi men ońtústiginde jańbyr, naızaǵaı, burshaq jáne qatty jel kútiledi. Kúndiz bul aýdandarda azdaǵan jańbyr jaýyp, naızaǵaı oınaıdy. Batysynda túnde jáne tańerteń tuman túsedi. Jel ońtústik-shyǵystan soǵyp, batysy, soltústigi men ońtústiginde ekpini 15–20 m/s bolady. Ońtústigi men shyǵysynda joǵary órt qaýpi saqtalady, batysynda kútiledi.
Túrkistan oblysy: batysy men taýly aýdandarynda qysqa merzimdi jańbyr jaýyp, naızaǵaı oınaıdy. Kúndiz soltústiginde shańdy daýyl soǵady. Jel soltústik-batystan soǵyp, batysy, soltústigi men taýly aýdandarynda ekpini 15–20 m/s bolady. Tótenshe órt qaýpi saqtalady.
Ulytaý oblysy: soltústigi, ońtústigi men shyǵysynda jańbyr jaýyp, naızaǵaı oınaıdy. Soltústiginde túnde jáne tańerteń tuman túsedi. Jel soltústik-batystan ońtústik-batysqa aýysyp, tańerteń jáne kúndiz ekpini 15–20 m/s bolady. Tótenshe órt qaýpi saqtalady.
Shymkent: tótenshe órt qaýpi saqtalady.
