Jańbyr, naızaǵaı. Qazaqstannyń basym bóliginde daýyldy eskertý jasaldy

ASTANA. KAZINFORM – «Qazgıdromet» RMK elimizdiń birneshe óńirinde aýa raıyna baılanysty daýyldy eskertý jarııalady.

Almaty oblysynda jańbyr, kúndiz oblystyń ońtústiginde keı ýaqytta qatty jańbyr, oblystyń taýly aýdandarynda túnde jaýyn-shashyn (jańbyr, qar), kúndiz keı ýaqytta qatty jańbyr jaýady. Oblystyń ońtústiginde, taýly aýdandarynda naızaǵaı kútiledi. Jel soltústik-shyǵys baǵyttan soltústik-batys baǵytqa aýysady oblystyń ońtústiginde, taýly aýdandarynda ekpini 15-20 m/s jetedi. Almaty qalasynda jańbyr, kúndiz keı ýaqytta qatty jańbyr, naızaǵaı kútiledi. Jel soltústik-shyǵys baǵyttan soltústik-batys baǵytqa aýysady, naızaǵaı kezinde ekpini 18 m/s jetýi yqtımal. Qonaev qalasynda 24 naýryzda jańbyr, keı ýaqytta qatty jańbyr, naızaǵaı kútiledi. Jel soltústik-shyǵys baǵyttan soltústik-batys baǵytqa aýysady, keı ýaqytta ekpini 15-20 m/s barady.

24 naýryzda Qaraǵandy oblysynyń soltústiginde, shyǵysynda tuman, kóktaıǵaq kútiledi. Soltústik-batystan, batystan jel soǵady, kúndiz oblystyń soltústiginde, shyǵysynda ekpini 15-18 m/s jetýi múmkin.

Túnde jáne tańerteń Ulytaý oblysynyń soltústiginde tuman kútiledi.

Atyraý oblysynyń ońtústik jartysynda jańbyr kútiledi. Atyraý qalasynda túnde jáne tańerteń keı ýaqytta jańbyr kútiledi.

Jetisý oblysynyń shyǵysynda, ortalyǵynda qatty jańbyr, oblystyń taýly aýdandarynda túnde qatty jaýyn-shashyn (jańbyr, qar), kúndiz qatty jańbyr kútiledi. Oblystyń shyǵysynda, taýly aýdandarynda tuman túsedi. Soltústik-shyǵystan jel soǵady, oblystyń shyǵysynda, taýly aýdandarynda ekpini 15-20, Alakól kólderi aýdanynda keı ýaqyttarda 23-28 m/s jetýi múmkin. Taldyqorǵan qalasynda keı ýaqytta qatty jańbyr kútiledi.

Kúndiz Abaı oblysynyń batysynda, soltústiginde, ortalyǵynda jaýyn-shashyn (jańbyr, qar), burqasyn, kóktaıǵaq kútiledi. Túnde jáne tańerteń oblystyń ońtústiginde tuman kútiledi. Jel batystan, soltústik-batystan soǵady, kúndiz oblystyń batysynda, soltústiginde, ortalyǵynda 15-20 m/s jetedi. Semeı qalasynda kúndiz jaýyn-shashyn (jańbyr, qar), burqasyn, kóktaıǵaq kútiledi. Jel batystan, soltústik-batystan soǵady, kúndiz ekpini 15-20 m/s jetýi múmkin.

Túnde jáne tańerteń Aqtóbe oblysynyń soltústiginde, shyǵysynda tuman kútiledi.

Astana qalasynda túnde jáne tańerteń qar, tuman kútiledi. Joldarda kóktaıǵaq kútiledi. Soltústik-batystan jel soǵady, tańerteń jáne kúndiz ekpini 15-20 m/s jetedi.

Aqmola oblysynda túnde qar, jaıaý burqasyn, kúndiz oblystyń soltústiginde, ońtústiginde, shyǵysynda jaýyn-shashyn (jańbyr, qar), jaıaý burqasyn kútiledi. Kóktaıǵaq bolady. Túnde jáne tańerteń oblystyń batysynda, soltústiginde, shyǵysynda tuman kútiledi. Soltústik-batystan jel soǵady, oblystyń batysynda, soltústiginde, shyǵysynda 15-20, kúndiz ekpini 23 m/s jetýi múmkin. Kókshetaý qalasynda túnde qar, jaıaý burqasyn kútiledi. Joldarda kóktaıǵaq kútiledi. Soltústik-batystan, jel soǵady, kúshi 15-20 m/s jetýi yqtımal.

Kúndiz Shyǵys Qazaqstan oblysynyń soltústiginde jaýyn-shashyn (jańbyr, qar), burqasyn, kóktaıǵaq kútiledi. Túnde jáne tańerteń oblystyń shyǵysynda tuman kútiledi. Jel soltústik-batystan soǵady, kúndiz oblystyń soltústiginde 15-20 m/s jetedi. Óskemen qalasynda 24 naýryzda kúndiz jaýyn-shashyn (jańbyr, qar), burqasyn, kóktaıǵaq kútiledi. Jel soltústik-batystan soǵady, kúndiz ekpini 15-20 m/s jetedi.

Jambyl oblysynda jańbyr, tańerteń jáne kúndiz ońtústiginde, taýly aýdandarynda qatty jańbyr, naızaǵaı kútiledi. Oblystyń soltústiginde, ońtústiginde, taýly aýdandarynda tuman kútiledi. Soltústik-shyǵystan soǵatyn jel ońtústik-batys jeline aýysady, oblystyń ońtústik-batysynda, soltústik-shyǵysynda, taýly aýdandarynda 15-20, kúndiz ekpini 23 m/s kútiledi. Taraz qalasynda keı ýaqytta jańbyr, tuman, kúndiz naızaǵaı kútiledi.

Soltústik Qazaqstan oblysynda túnde jaýyn-shashyn (kóbinese qar) kútiledi. Túnde burqasyn, kúndiz oblystyń ońtústiginde jaıaý burqasyn bolady. Kóktaıǵaq kútiledi. Soltústik-batystan jel soǵady, kúshi 15-20, oblystyń soltústiginde, shyǵysynda, ońtústiginde ekpini 23-28 m/s jetedi. Petropavl qalasynda túnde jaýyn-shashyn (kóbinese qar), burqasyn kútiledi. Joldarda kóktaıǵaq bolady. Soltústik-batystan jel soǵady, kúshi 15-20, ekpini 25 m/s jetedi.

Túnde jáne tańerteń Qyzylorda oblysynyń shyǵysynda, ortalyǵynda tuman, kóktaıǵaq kútiledi. Jel soltústik-shyǵystan soǵady, oblystyń soltústiginde, ortalyǵynda 15-20 m/s shańdy daýylmen kútiledi. Qyzylorda qalasynda jel soltústik-shyǵystan soǵady, kúndiz ekpini 15-20 m/s jetýi yqtımal.

Túnde jáne tańerteń Mańǵystaý oblysynyń batysynda, ortalyǵynda qatty jańbyr, naızaǵaı, tuman kútiledi. Soltústikten jel soǵady, oblystyń batysynda ekpini 15-20 m/s jetedi. Aqtaý qalasynda túnde jáne tańerteń qatty jańbyr, naızaǵaı kútiledi. Soltústikten jel soǵady, ekpini 15-18 m/s jetedi.

Qostanaı oblysynda túnde jáne tańerteń oblystyń soltústiginde, shyǵysynda azdaǵan jaýyn-shashyn (jańbyr, qar), kóktaıǵaq kútiledi. Túnde jáne tańerteń oblystyń ońtústiginde, shyǵysynda tuman túsedi. Soltústik-batystan, soltústikten jel soǵady, oblystyń soltústiginde, shyǵysynda ekpini 15-20 m/s jetedi.

Tańerteń jáne kúndiz Túrkistan oblysynyń taýly jáne taý bókterli aýdandarynda qatty jańbyr, naızaǵaı kútiledi. Soltústik-shyǵystan jel soǵady, oblystyń batysynda, taýly jáne taý bókterli aýdandarynda kúshi 15-20 m/s jetedi. Shymkent qalasynda tańerteń jáne kúndiz keı ýaqytta qatty jańbyr, naızaǵaı kútiledi. Soltústik-shyǵystan jel soǵady, ekpini 15-20 m/s barady. Túrkistan qalasynda 24 naýryzda keı ýaqytta naızaǵaı kútiledi. Soltústik-shyǵystan jel soǵady, ekpini 15-20 m/s jetedi.

Pavlodar oblysynyń soltústiginde, shyǵysynda jaıaý burqasyn, kóktaıǵaq kútiledi. Túnde oblystyń ońtústiginde tuman túsedi. Soltústik-batystan jel soǵady, ekpini 15-20 m/s barady. Pavlodar qalasynda soltústik-batystan jel soǵady, ekpini 15-20 m/s kútiledi.

Buǵan deıin respýblıka boıynsha tuman túsip, jel kúsheıetini habarlandy.