Jańbyr, naızaǵaı: Elimizdiń 10 óńirinde aýa raıyna baılanysty eskertý jarııalandy
ASTANA. KAZINFORM — 2026 jylǵy 21 sáýirde elimizdiń 10 oblysynyń turǵyndaryna qolaısyz kún raıyna baılanysty eskertý jasaldy. Bul týraly «Qazgıdromet» RMK baspasóz qyzmeti habarlady.
Tańerteń jáne kúndiz Jambyl oblysynyń batysynda, ońtústiginde jáne taýly aýdandarynda jańbyr jaýyp, naızaǵaı oınaıdy dep kútiledi. Taýly aımaqtarda tuman bolady. Jel ońtústik-shyǵystan soǵyp, keıin ońtústik-batysqa aýysady. Oblystyń ońtústik-batysynda, soltústik-shyǵysynda jáne taýly óńirlerinde jeldiń jyldamdyǵy sekýndyna 15–20 metrge deıin jetip, kúndiz ekpini 25 m/s-qa deıin kúsheıýi múmkin. Oblystyń batysynda joǵary órt qaýpi saqtalady. Taraz qalasynda da jeldiń ekpini 15–20 m/s, keı ýaqytta 23 m/s-qa deıin jetedi.
Jetisý oblysynda soltústik-shyǵystan jel soǵady, Alakól kólderi mańynda kúndiz jeldiń ekpini 15–20 m/s-qa deıin kúsheıedi.
Aqtóbe oblysynyń ońtústigi men shyǵysynda jańbyr men naızaǵaı kútiledi. Jel ońtústik-shyǵystan soǵyp, kúndiz batys baǵytyna aýysady, soltústik aımaqtarda ekpini 15 m/s-qa jetedi.
Almaty oblysynda shyǵys, ortalyq jáne taýly aýdandarda ońtústik-shyǵystan jel soǵyp, ekpini 15–20 m/s bolady. Qonaev qalasynda da jeldiń ekpini osy deńgeıde saqtalady. Іle Alataýynyń taýly aımaqtarynda (Almaty qalasynyń Medeý jáne Bostandyq aýdandary) da jel 15–20 m/s-qa deıin kúsheıedi.
Mańǵystaý oblysynyń batysynda, ońtústiginde jáne ortalyǵynda kúndiz jańbyr jaýyp, naızaǵaı bolady. Soltústik-batys jeli túnde oblystyń soltústik-shyǵysynda 15–18 m/s-qa deıin kúsheıedi. Aqtaý qalasynda kúndiz keı ýaqytta jańbyr men naızaǵaı kútiledi.
Batys Qazaqstan oblysynyń batysynda jáne soltústiginde túnde jáne tańerteń tuman túsedi. Jel batys jáne soltústik-batys baǵyttan soǵyp, kúndiz ekpini 15–20 m/s-qa jetedi. Oral qalasynda da túnde jáne tańerteń tuman kútiledi.
Soltústik Qazaqstan oblysynyń batysynda jáne soltústiginde kúndiz jańbyr men naızaǵaı bolady. Shyǵys bóliginde túnde jáne tańerteń tuman túsedi. Jel ońtústik-shyǵystan soǵyp, ekpini 15–20 m/s-qa deıin kúsheıedi. Petropavl qalasynda da kúndiz jańbyr men naızaǵaı boljanyp otyr.
Túrkistan oblysynyń ońtústiginde jáne taýly aýdandarynda jańbyr, naızaǵaı jáne jel kútiledi. Taýly óńirlerde tuman bolady. Jel ońtústik-shyǵystan soǵyp, keıin ońtústik-batysqa aýysady, ekpini 15–20 m/s. Oblystyń batysynda tótenshe órt qaýpi jarııalanǵan. Túrkistan qalasynda da jeldiń ekpini 15–20 m/s-qa deıin jetedi.
Shymkent qalasynda tańerteń jáne kúndiz jańbyr, naızaǵaı jáne daýyl bolady. Jeldiń ekpini 15–20 m/s-qa deıin kúsheıedi.
Qyzylorda oblysynyń soltústigi men ortalyǵynda túnde jańbyr men naızaǵaı kútiledi.
Qostanaı oblysynyń batysynda, soltústiginde jáne ońtústiginde kúndiz jańbyr jaýyp, naızaǵaı bolady. Jel ońtústik-batystan soǵyp, ekpini 15–20 m/s-qa deıin jetedi. Oblys ortalyǵynda da osyndaı aýa raıy boljanyp otyr.
Buǵan deıin «Qazgıdromet» RMK 2026 jylǵy 21–23 sáýir aralyǵyna arnalǵan aýa raıy boljamyn jarııalaǵan bolatyn.
