Jańbyr, naızaǵaı, daýyl: Qazaqstannyń 17 óńirinde eskertý jarııalandy

Almaty oblysynda kúndiz ońtústiginde jańbyr jaýady, oblystyń taýly aýdandarynda ótkinshi jańbyr jaýyp, naızaǵaı oınaıdy. Jel soltústik-shyǵystan soǵady, kúndiz ońtústiginde, shyǵysynda jáne taýly aýdandarynda ekpini 15-20 m/s-qa jetedi. Oblys boıynsha tótenshe órt qaýpi saqtalady, shyǵysynda órt qaýpi joǵary.

Aqtóbe oblysynda túnde soltústigi men shyǵysynda jańbyr jaýyp, naızaǵaı oınaıdy. Kúndiz soltústigi men shyǵysynda ótkinshi jańbyr jaýyp, naızaǵaı bolady. Jel soltústik-batystan, batystan soǵady, kúndiz soltústiginde, ońtústiginde jáne ortalyǵynda ekpini 15-20 m/s-qa jetedi. Kúndiz ońtústiginde aýa temperatýrasy 35 gradýsqa deıin kóterilip, qatty ystyq bolady. Ortalyǵynda joǵary órt qaýpi, al oblys boıynsha tótenshe órt qaýpi saqtalady.

Abaı oblysynyń soltústigi men ortalyǵynda ótkinshi jańbyr jaýyp, naızaǵaı oınaıdy. Túnde jáne tańerteń shyǵysynda tuman túsedi. Jel ońtústik-batystan soltústik-batysqa aýysady, soltústiginde, ońtústiginde jáne ortalyǵynda ekpini 15-20 m/s bolady. Oblystyń batysy men soltústik-batysynda joǵary órt qaýpi, ońtústiginde tótenshe órt qaýpi saqtalady.

Aqmola oblysynyń batysy men soltústiginde kúndiz jańbyr jaýyp, naızaǵaı oınaıdy. Túnde jáne tańerteń batysynda, soltústiginde jáne shyǵysynda tuman túsedi. Jel ońtústikten, ońtústik-batystan soǵady, kúndiz batysy men soltústiginde ekpini 15-20 m/s-qa jetedi. Oblystyń ońtústiginde joǵary, batysynda tótenshe órt qaýpi saqtalady.

Shyǵys Qazaqstan oblysynyń batysy, soltústigi men shyǵysynda jańbyr jaýyp, naızaǵaı oınaıdy. Kúndiz burshaq jaýyp, daýyl bolýy múmkin. Túnde jáne tańerteń soltústiginde tuman túsedi. Jel ońtústik-batystan soltústik-batysqa aýysady, kúndiz soltústiginde, shyǵysynda jáne ońtústiginde ekpini 15-20 m/s bolady. Soltústik-batysynda joǵary, ońtústiginde tótenshe órt qaýpi saqtalady.

Jambyl oblysynyń taýly aýdandarynda túnde, kúndiz ońtústigi men taýly aımaqtarynda jańbyr jaýyp, naızaǵaı oınaıdy. Kúndiz taýly aýdandarynda keı ýaqyttarda qatty jańbyr jaýyp, burshaq jáne daýyl bolýy múmkin. Jel soltústik-shyǵystan ońtústik-batysqa aýysady, ońtústik-batysynda, soltústik-shyǵysynda jáne taýly aýdandarynda ekpini 15-20 m/s bolady. Tótenshe órt qaýpi saqtalady, shyǵysynda joǵary órt qaýpi bar.

Jetisý oblysynyń taýly aýdandarynda túnde jáne tańerteń tuman túsedi. Jel soltústik-shyǵystan soǵady, túnde oblystyń shyǵysynda ekpini 15-20 m/s-qa jetedi.

Atyraý oblysynda 22 tamyzda túnde jáne tańerteń ońtústiginde tuman túsedi. Kúndiz aýa temperatýrasy 35-38 gradýsqa deıin kóterilip, qatty ystyq bolady.

Batys Qazaqstan oblysynyń soltústigi men shyǵysynda kúndiz ótkinshi jańbyr jaýyp, naızaǵaı oınaıdy, burshaq jaýyp, daýyl bolýy múmkin. Jel soltústik-batystan, soltústikten soǵady, kúndiz soltústiginde, shyǵysynda jáne ońtústiginde ekpini 15-20 m/s bolady. Kúndiz batysy men ońtústiginde aýa temperatýrasy 36 gradýsqa deıin kóterilip, qatty ystyq bolady. Tótenshe órt qaýpi saqtalady, soltústik-batysynda joǵary órt qaýpi bar.

Qaraǵandy oblysynda túnde jáne tańerteń batysynda, soltústiginde jáne shyǵysynda tuman túsedi. Batysynda, shyǵysynda jáne ońtústiginde tótenshe órt qaýpi saqtalady. Ortalyǵynda da tótenshe órt qaýpi kútiledi.

Qostanaı oblysynda túnde batysy men soltústiginde jańbyr jaýyp, naızaǵaı oınaıdy. Kúndiz jańbyr jaýyp, naızaǵaı bolady, batysy men soltústiginde keı ýaqyttarda qatty jańbyr jaýyp, burshaq jaýýy múmkin. Jel ońtústik-batystan soltústik-batysqa aýysady, soltústigi men shyǵysynda ekpini 15-20 m/s bolady. Oblys boıynsha joǵary órt qaýpi saqtalady, ońtústiginde, ońtústik-shyǵysynda jáne ortalyǵynda tótenshe órt qaýpi bar.

Qyzylorda oblysynda túnde soltústigi men ortalyǵynda jańbyr jaýyp, naızaǵaı oınaıdy. Oblys boıynsha tótenshe órt qaýpi saqtalady.

Mańǵystaý oblysynda kúndiz aýa temperatýrasy 38 gradýsqa deıin kóterilip, qatty ystyq bolady. Batysy men soltústiginde tótenshe órt qaýpi saqtalady.

Pavlodar oblysynyń soltústigi, shyǵysy jáne ortalyǵynda túnde jáne tańerteń tuman túsedi. Shyǵysynda joǵary órt qaýpi saqtalady.

Soltústik Qazaqstan oblysynyń batysy men ońtústiginde kúndiz jańbyr jaýady, soltústiginde ótkinshi jańbyr kútiledi. Batysynda, soltústiginde jáne ońtústiginde naızaǵaı oınap, burshaq jaýýy jáne daýyl bolýy múmkin. Túnde jáne tańerteń shyǵysy men ońtústiginde tuman túsedi. Jel ońtústik-batystan soǵady, kúndiz batysynda, soltústiginde jáne ońtústiginde ekpini 15-20 m/s-qa jetedi.

Túrkistan oblysynyń taýly jáne taý bókterindegi aýdandarynda kúndiz ótkinshi jańbyr jaýyp, naızaǵaı oınaıdy. Kúndiz oblystyń soltústiginde shańdy daýyl bolady. Jel soltústik-batystan soǵady, batysynda, soltústiginde jáne taýly ári taý bókterindegi aýdandarynda ekpini 15-20 m/s-qa jetedi. Tótenshe órt qaýpi saqtalady.

Ulytaý oblysynyń soltústigi men shyǵysynda túnde jáne tańerteń tuman túsedi. Oblys boıynsha tótenshe órt qaýpi saqtalady.

Aıta keteıik, sınoptıkterdiń boljamynsha aldaǵy kúnderi soltústik-batys tsıklony jáne onymen baılanysty atmosferalyq fronttar Qazaqstannyń basym bóliginde jańbyr men naızaǵaı ákeledi. Keıbir aýdandarda qatty jańbyr jaýyp, burshaq túsýi múmkin.