Jańbyr, naızaǵaı, daýyl: elimizdiń 16 óńirinde qolaısyz aýa raıy kútiledi

ASTANA. KAZINFORM – 20 qyrkúıekte Qazaqstannyń 16 óńirinde daýyldy eskertý jarııalandy, dep habarlaıdy «Qazgıdromet» RMK.

Jetisý oblysynda soltústik-batystan jel soǵady, kúndiz oblystyń shyǵysy men soltústiginde ekpini 15-20 m/s. 20-21 qyrkúıekte óńirdiń soltústigi men shyǵysynda tótenshe órt qaýpi saqtalady.

Atyraý oblysynyń batysy men ońtústiginde naızaǵaı oınaıdy. Oblys aýmaǵynda tótenshe órt qaýpi bar.

Mańǵystaý oblysynyń ońtústigi, ortalyǵy men shyǵysynda jeldiń jyldamdyǵy 15-20 m/s, naızaǵaı boljanady. Ońtústiginde órt qaýpi joǵary, soltústik-batysy men ońtústik-shyǵysynda tótenshe órt qaýpi saqtalady.

Jambyl oblysynyń batysy men taýly aımaqtarynda soltústik-shyǵystan jel soǵyp, ekpini 15-20 m/s jetedi. Óńirdiń batysy, soltústigi men ortalyǵynda tótenshe órt qaýpi saqtalady.

Pavlodar oblysynyń batysy, ońtústigi men shyǵysynda kúndiz naızaǵaı oınap, burshaq jaýady, soltústikten soqqan jeldiń ekpini 15-20 m/s bolady.

Aqtóbe oblysynyń soltústiginde órt qaýpi joǵary, batysy, soltústik-shyǵysy men ortalyǵynda tótenshe órt qaýpi saqtalady.

Qaraǵandy oblysynyń soltústigi men shyǵysynda túnde naızaǵaı, túnde jáne tańerteń tuman kútiledi. Ońtústiginde tótenshe órt qaýpi bar.

Ulytaý oblysynyń shyǵysynda túnde jáne tańerteń tuman túsedi, soltústik pen batysynda 1 gradýs úsik júredi. Ońtústiginde tótenshe órt qaýpi saqtalady.

Aqmola oblysynyń soltústigi, batysy men shyǵysynda túnde jáne tańerteń tuman boljanady.

Shyǵys Qazaqstan oblysynyń soltústigi men shyǵysynda nóser jańbyr, naızaǵaı, burshaq kútiledi. Túnde jáne tańerteń soltústiginde tuman túsedi.

Abaı oblysynyń batysy men soltústiginde qatty jańbyr, naızaǵaı, kúndiz burshaq bolady. Semeıde kúndiz naızaǵaı oınaıdy.

Almaty oblysynyń ońtústiginde túnde jáne tańerteń tuman túsedi. Soltústik-shyǵystan soqqan jeldiń ekpini 15-20 m/s jetedi. Soltústigi men ortalyǵynda tótenshe órt qaýpi saqtalady.

Túrkistan oblysynyń taý asýlarynda jeldiń jyldamdyǵy 15-20 m/s jetedi. Óńir aýmaǵynda, sonyń ishinde Shymkent pen Túrkistan qalalarynda tótenshe órt qaýpi saqtalady.

Qyzylorda oblysynyń batysy, shyǵysy men ortalyǵynda shańdy daýyl, shyǵys pen soltústik-shyǵystan jel soǵyp, ekpini 15-20 m/s bolady. Qyzylorda qalasynda kúndiz shańdy daýyl kútiledi.

Qostanaı oblysynyń ońtústiginde órt qaýpi joǵary.

Batys Qazaqstan oblysynyń batysy, shyǵysy men ońtústiginde tótenshe órt qaýpi, soltústiginde órt qaýpi joǵary.