Jańbyr, naızaǵaı, daýyl: 14 tamyzǵa arnalǵan aýa raıy boljamy

ASTANA. KAZINFORM – «Qazgıdromet» RMK sınoptıkteri 14 tamyzda elimizdiń birqatar óńirinde qolaısyz aýa raıyna baılanysty eskertý jasady.

Sınoptıkterdiń boljamy boıynsha, Ulytaý oblysynyń batysynda jáne soltústiginde kún kúrkirep, burshaq jaýýy múmkin. Ońtústik-batystan, kúndiz batystan soǵatyn jel batysta, soltústikte, oblys ortalyǵynda ekpini 15-20, keı ýaqytta 23 m/s bolady. Oblystyń basym bóliginde tótenshe jaǵdaı saqtalady, oblystyń shyǵysynda joǵary órt qaýpi bar

Qaraǵandy oblysynyń batysynda, soltústiginde naızaǵaı, burshaq jaýyp, daýyl bolady. Ońtústik-batystan, batystan jel soǵady, oblystyń batysynda, soltústiginde ekpini 15-20, kúndiz keı ýaqyttarda 23 m/s bolady. Oblystyń shyǵysynda joǵary órt qaýpi saqtalady, oblystyń ońtústiginde tótenshe órt qaýpi bar.

Mańǵystaý oblysynyń batysynda, soltústiginde naızaǵaı oınap, kúndiz keı ýaqyttarda jabyr, burshaq jaýyp, daýyl turady. Soltústik-batystan jel soǵady, kúndiz oblystyń soltústiginde ekpini 15-20 m/s bolady. Oblystyń basym bóliginde tótenshe órt qaýpi, oblystyń batysynda joǵary órt qaýpi saqtalady.

Atyraý oblysynyń ońtústiginde, shyǵysynda naızaǵaı oınaıdy. Batystan, soltústik-batystan jel soǵady, kúndiz oblystyń ońtústiginde, shyǵysynda ekpini 15-20 m/s bolady. Joǵary órt qaýpi saqtalady, oblystyń ońtústik-batysynda tótenshe órt qaýpi bar.

Aqmola oblysynyń batysynda, soltústiginde, shyǵysynda jańbyr jaýyp, naızaǵaı oınaıdy. Ońtústik-batystan jel soǵady, túnde oblystyń ońtústiginde, shyǵysynda 15-20, keı ýaqyttarda ekpini 23 m/s, kúndiz 15-20, ekpini 23-28 m/s bolady.

Qostanaı oblysynyń soltústiginde, shyǵysynda jańbyr, burshaq jaýyp, daýyl turady. Oblystyń batysynda, soltústiginde, shyǵysynda naızaǵaı oınaıdy. Ońtústik-batystan jel soǵady, ekpini 15-20 m/s, keı ýaqyttarda 23 m/s kútiledi. Oblystyń ońtústiginde tótenshe órt qaýpi saqtalady.

Astanada túnde naızaǵaı oınaıdy. Jel ońtústik-batystan soǵady, ekpini 15-20 m/s.

Aqtóbe oblysynyń soltústiginde, shyǵysynda naızaǵaı oınaıdy. Ońtústik-batystan, batystan jel soǵady, túnde oblystyń soltústiginde, batysynda ekpini 15-20, kúndiz ekpini 15-20 m/s bolady. Oblystyń ońtústiginde tótenshe órt qaýpi saqtalady.

Jetisý oblysynda ońtústik-shyǵystan jel soǵady, oblystyń shyǵysynda ekpini 15-20 m/s. Oblystyń basym bóliginde 35-37 gradýs qatty ystyq saqtalady. Oblystyń basym bóliginde tótenshe órt qaýpi, oblystyń shyǵysynda joǵary órt qaýpi bar.

Abaı oblysynyń batysynda, ortalyǵynda jel ońtústik-shyǵystan soǵady, kúshi 15-20 m/s. Kúndiz 35-38 gradýs qatty ystyq bolady. Oblys boıynsha joǵary órt qaýpi saqtalady, oblystyń batysynda, soltústik-batysynda, oblystyń ońtústiginde tótenshe órt qaýpi bar.

Shyǵys Qazaqstan oblysynda 35 gradýs qatty ystyq bolady. Oblystyń ortalyǵynda joǵary órt qaýpi saqtalady. Oblystyń ońtústiginde tótenshe órt qaýpi saqtalady.

Qyzylorda oblysynda soltústik-batystan soqqan jel ońtústik-batysqa aýysady. Oblystyń ortalyǵynda, soltústiginde kúshi 15-20 bolady. Oblystyń basym bóliginde tótenshe órt qaýpi saqtalady.

Pavlodar oblysynyń batysynda, soltústiginde naızaǵaı oınaıdy. Batystan jel soǵady, oblystyń batysynda, soltústiginde, ońtústiginde ekpini 15-20 m/s.

Almaty oblysynyń ońtústiginde, taýly aýdandarynda keı ýaqyttarda naızaǵaı oınaıdy. Soltústik-shyǵys, shyǵystan jel soǵady, oblystyń batysynda, ortalyǵynda, taýly aýdandarynda ekpini 18-23 m/s. Kúndiz oblystyń basym bóliginde 35-38 gradýs qatty ystyq saqtalady. Oblystyń basym bóliginde tótenshe órt qaýpi, oblystyń ońtústik jartysynda joǵary órt qaýpi saqtalady.

Almaty da kúndiz 36 gradýsqa deıin qatty ystyq saqtalady. Joǵary órt qaýpi bar. Qonaev qalasynda14-15 tamyzda soltústik-shyǵystan jel soǵady, kúndiz ekpini 18-23 m/s. Kúndiz 35-37 gradýs qatty ystyq saqtalady. Tótenshi órt qaýpi bar.

Soltústik Qazaqstan oblysynyń soltústiginde, shyǵysynda, keı ýaqyttarda nóser jańbyr jaýyp, naızaǵaı oınaıdy. Kúndiz oblystyń batysynda, soltústiginde, ońtústiginde naızaǵaı, burshaq, daýyl bolady. Ońtústik-batystan jel soǵady, túnde oblystyń soltústiginde, shyǵysynda 15-20 m/s, kúndiz 15-20, ekpini 23-28 m/s bolady.

Batys Qazaqstan oblysynyń soltústiginde naızaǵaı oınaıdy. Jel batystan soǵady, kúndiz oblystyń ońtústiginde ekpini 15-20 m/s. Oblystyń ońtústiginde, shyǵysynda, ortalyǵynda joǵary órt qaýpi saqtalady.

Túrkistan oblysynyń taýlarynda naızaǵaı oınap, kúndiz soltústiginde shańdy daýyl turady. Soltústik-batystan, batystan jel soǵady, túnde taýlarda, kúndiz oblystyń soltústiginde, taýly jáne taý bókterli aýdandarynda kúshi 15- 20 m/s bolady. Kúndiz oblystyń batysynda, shóldi aýdandarynda 41 gradýs qatty ystyq bolady.

Shymkentte soltústik-batystan, batystan jel soǵady, kúndiz ekpini – 15-20 m/s.