Jańbyr, naızaǵaı, burshaq — 9 tamyzda aýa raıy qandaı bolady

ASTANA. KAZINFORM — Qazgıdromet sınoptıkteri 9 tamyz, jumaǵa arnalǵan aýa raıy boljamyn jarııalady. 

Ońtústik tsıklon jáne onymen birge keletin atmosferalyq fronttar Qazaqstannyń búkil aýmaǵyna áser etedi.

Sondyqtan aýa raıynyń turaqsyz sıpaty saqtalady: naızaǵaı jarqyldap, burshaq jáne daýylmen birge jańbyr jaýady, batysta, soltústik-batysta, soltústikte, ortalyqta qatty jańbyr jaýady.

Respýblıka boıynsha jel kúsheıedi, ońtústikte shańdy daýyl, soltústik-batysta, soltústikte túnde jáne tańerteń tuman túsedi.

Kúndiz Almaty, Túrkistan, Jambyl, Shyǵys Qazaqstan, Jetisý oblystarynda, Abaı oblysynyń ońtústiginde jáne Qyzylorda oblysynda qatty ystyq saqtalady.

Soltústikte, Almaty oblysy men Jetisý oblysynyń ortalyǵynda, Túrkistan oblysynyń shóldi aýdandarynda óte qatty aptap ystyq bolady. 

Barlyq derlik óńirde tótenshe jáne joǵary órt qaýpi bar.