Jańbyr, naızaǵaı: 23 qyrkúıekke arnalǵan aýa raıy boljamy

ASTANA. KAZINFORM — «Qazgıdromet» RMK 23 qyrkúıekke arnalǵan aýa raıy boljamyn jarııalady. 

Sınoptıkterdiń boljamynsha, elimizdiń basym bóligi tsıklon jáne onymen baılanysqan atmosferalyq fronttardyń yqpalynda bolady. Sondyqtan keı jerlerde jańbyr jaýyp, naızaǵaı bolady.

Shyǵysta, ońtústik-shyǵysta qatty jańbyr kútiledi. Soltústik óńirlerdiń jekelegen aýdandarynda burshaq bolýy múmkin. Tek elimizdiń batysynda, soltústik-batysyna antıtsıklon jotasynyń yqpalymen jaýyn-shashynsyz, jyly aýa-raıy saqtalady.

Respýblıka boıynsha jel kúsheıedi, al ońtústik-shyǵysta daýyl kútiledi.

Elimizdiń batysynda, soltústik-batysynda, soltústiginde, shyǵysynda túngi jáne tańerteńgi ýaqyttarda — tuman bolýy múmkin.

Batys Qazaqstan oblysynyń soltústiginde órt qaýpi kútiledi. Jeldiń jyldamdyǵy 5-10m/s jetedi.

Atyraý oblysynyń shyǵysynda, Mańǵystaý, Qostanaı oblystarynyń ońtústiginde, Jetisý oblysynyń batysynda joǵary órt qaýpi bolady.

Túrkistan, Qyzylorda, Atyraý oblysynyń soltústiginde, ońtústiginde, shyǵysynda da órt qaýpi saqtalady. Qyzylorda oblysynda jeldiń jyldamdyǵy 9-14 m/s jetedi.

Jambyl oblysynyń batysynda, soltústiginde, ortalyǵynda, Batys Qazaqstan oblysynyń batysynda, ońtústiginde, shyǵysynda, Aqtóbe oblysynyń batysynda, soltústiginde, soltústik-shyǵysynda, ortalyǵynda tótenshe órt qaýpi bar.

Almaty oblysynyń soltústiginde, ortalyǵynda, Qaraǵandy, Ulytaý oblystarynyń ońtústiginde, Jetisý oblysynyń ońtústiginde, shyǵysynda da tótenshe órt qaýpi saqtalady.