Jańbyr, naızaǵaı: 20 qyrkúıekte aýa raıyna baılanysty eskertý jarııalandy

Sınoptıkterdiń boljamy boıynsha, Astanada joǵary órt qaýpi saqtalady.

Túnde jáne tańerteń Aqmola oblysynyń batysynda, soltústiginde jáne shyǵysynda tuman túsedi. Oblystyń ońtústiginde, soltústiginde, shyǵysynda jáne ortalyǵynda joǵary órt qaýpi saqtalady. Kókshetaýda túnde jáne tańerteń tuman túsedi. Joǵary órt qaýpi saqtalady.

Almatyda keshke ótkinshi jańbyr jaýyp, naızaǵaı oınaıdy. Kúndiz jeldiń ekpini 15 m/s-ke deıin jetedi. Joǵary órt qaýpi saqtalady. Іle Alataýynyń taýlarynda, Almatynyń Medeý jáne Bostandyq aýdandarynyń taýly aımaqtarynda kúndiz ótkinshi jańbyr jaýyp, naızaǵaı oınaıdy, jeldiń ekpini 15-20 m/s bolady.

Kúndiz Almaty oblysynyń soltústiginde, ońtústiginde jáne taýly aýdandarynda ótkinshi jańbyr jaýyp, naızaǵaı oınaıdy. Jeldiń ekpini 15-20 m/s-ke jetedi. Oblys boıynsha tótenshe órt qaýpi saqtalady, ońtústiginde joǵary órt qaýpi bar. Qonaevta keshke ótkinshi jańbyr jaýyp, naızaǵaı oınaıdy, kúndiz jeldiń ekpini 15-20 m/s bolady. Tótenshe órt qaýpi saqtalady.

Shymkentte tótenshe órt qaýpi saqtalady.

Túrkistan oblysynyń soltústiginde jáne taýly aýdandarynda ótkinshi jańbyr jaýyp, naızaǵaı oınaıdy, jeldiń ekpini 15-20 m/s bolady. Tótenshe órt qaýpi saqtalady. Túrkistan qalasynda da tótenshe órt qaýpi saqtalady.

Aqtóbe oblysynyń batysynda, ońtústiginde jáne ortalyǵynda tótenshe órt qaýpi saqtalady.

Atyraý oblysynyń ońtústiginde tótenshe órt qaýpi saqtalady. Atyraý qalasynda da tótenshe órt qaýpi saqtalady.

Qyzylorda oblysynyń soltústigi men shyǵysynda kúndiz jeldiń ekpini 15-20 m/s bolady. Oblys boıynsha tótenshe órt qaýpi saqtalady. Qyzylorda qalasynda da tótenshe órt qaýpi saqtalady.

Mańǵystaý oblysynyń soltústik-batysynda jáne ońtústiginde túnde sál jańbyr jaýyp, naızaǵaı oınaıdy. Oblystyń soltústigi men ortalyǵynda joǵary órt qaýpi, soltústik-shyǵysynda tótenshe órt qaýpi saqtalady.

Ulytaý oblysynyń batysynda jáne soltústiginde jańbyr jaýyp, naızaǵaı oınaıdy, shyǵysynda jáne ortalyǵynda sál jańbyr jaýyp, naızaǵaı oınaıdy. Kúndiz oblystyń ońtústiginde jeldiń ekpini 15 m/s-ke deıin jetedi. Tótenshe órt qaýpi saqtalady. Jezqazǵanda tańerteń jáne kúndiz sál jańbyr jaýyp, naızaǵaı oınaıdy. Tótenshe órt qaýpi saqtalady.

Qaraǵandy oblysynyń batysy men ońtústiginde sál jańbyr jaýyp, naızaǵaı oınaıdy. Joǵary órt qaýpi saqtalady, batysynda tótenshe órt qaýpi bar, soltústigi men shyǵysynda da tótenshe órt qaýpi bar. Qaraǵandyda tótenshe órt qaýpi saqtalady.

Jambyl oblysynyń soltústik-batysynda, ońtústiginde, shyǵysynda jáne taýly aýdandarynda jańbyr jaýyp, naızaǵaı, burshaq jáne daýyldy jel bolady. Túnde taýly aýdandarda, kúndiz oblystyń ońtústik-batysynda, soltústik-shyǵysynda jáne taýly aımaqtarynda jeldiń ekpini 15-20 m/s bolady. Kúndiz ońtústik-batysta jáne taýly aýdandarda jeldiń ekpini keı ýaqytta 23-28 m/s-ke deıin jetedi. Tótenshe órt qaýpi saqtalady. Tarazda kúndiz jeldiń ekpini 15-20 m/s bolady. Tótenshe órt qaýpi saqtalady.

Qostanaı oblysynyń batysy men soltústiginde tuman túsedi. Qostanaıda da túnde jáne tańerteń tuman bolady.

Batys Qazaqstan oblysynyń batysynda, soltústiginde jáne shyǵysynda tuman túsedi. Oralda da túnde jáne tańerteń tuman bolady.

Soltústik Qazaqstan oblysynda tuman túsedi. Shyǵysynda joǵary órt qaýpi saqtalady. Petropavlda túnde jáne tańerteń tuman kútiledi.

Pavlodar oblysynyń soltústiginde, shyǵysynda jáne ortalyǵynda tuman túsedi. Oblys boıynsha joǵary órt qaýpi saqtalady. Pavlodarda túnde jáne tańerteń tuman túsedi.

Kúndiz Jetisý oblysynyń ońtústiginde jáne taýly aýdandarynda jańbyr jaýyp, naızaǵaı oınaıdy. Alakól kólderi aýdanynda jeldiń ekpini 15-20 m/s bolady.

Abaı oblysynda joǵary órt qaýpi saqtalady, soltústik-batysynda jáne ońtústiginde tótenshe órt qaýpi bar. Semeıde joǵary órt qaýpi saqtalady.

Shyǵys Qazaqstan oblysynyń soltústiginde tuman túsedi. Batysynda, shyǵysynda jáne ońtústiginde joǵary órt qaýpi, ońtústik-shyǵysynda tótenshe órt qaýpi saqtalady.

Demalys kúnderi aýa temperatýrasy +32°S-qa deıin kóteriletinin jazǵan edik.