Jańbyr, naızaǵaı: 18 mamyrda birneshe óńirde aýa raıyna baılanysty eskertý jarııalandy
ASTANA. KAZINFORM – «Qazgıdromet» RMK sınoptıkteri 18 mamyr kúni Qazaqstannyń kóptegen óńirinde aýa raıyna baılanysty eskertý jarııalady.
Túrkistan oblysynda taýly aımaqtarda ótkinshi jańbyr men naızaǵaı kútiledi. Soltústik bóliginde shańdy daýyl bolady. Soltústik-shyǵystan soǵatyn jeldiń ekpini taýly jáne taý bókterli aýdandarda 15-20 m/s, keı jerlerde 23 m/s jetedi. Oblystyń batysy men soltústiginde joǵary órt qaýpi saqtalady. Shymkent pen Túrkistan qalalarynda soltústik-shyǵystan jel soǵyp, ekpini 15-20 m/s, sondaı-aq joǵary órt qaýpi kútiledi.
Mańǵystaý oblysynda jańbyr, naızaǵaı, burshaq, daýyl kútiledi. Oblystyń batysy men ortalyǵynda keı ýaqytta qatty jańbyr jaýady, tuman bolady. Jel ońtústik jáne ońtústik-batystan soǵyp, túnde soltústik bóliginde ekpini 15-20 m/s jetedi. Soltústik-shyǵysynda joǵary órt qaýpi saqtalady. Aqtaýda jańbyr men naızaǵaı, túnde qatty jańbyr jáne tuman bolady.
Aqtóbe oblysynyń ońtústiginde jańbyr men naızaǵaı kútiledi. Kúndiz ońtústik pen ortalyq bóliginde shańdy daýyl bolady. Jel shyǵys jáne soltústik-shyǵystan soǵyp, túnde jáne kúndiz ekpini 15-28 m/s aralyǵynda bolady. Shyǵys óńirinde joǵary, ońtústiginde tótenshe órt qaýpi saqtalady. Aqtóbe qalasynda jeldiń ekpini 15-23 m/s jetedi.
Pavlodar oblysynyń soltústik jáne shyǵys bóliginde tuman, túnde 2 gradýs úsik bolady. Batys, ońtústik jáne shyǵys aýdandarynda joǵary órt qaýpi, shyǵysynda tótenshe órt qaýpi bar. Pavlodar qalasynda joǵary órt qaýpi saqtalady.
Atyraý oblysynyń batysy, ońtústik jáne shyǵysynda jańbyr men naızaǵaı bolady. Kúndiz soltústik, shyǵys jáne ońtústik bólikterinde shańdy daýyl kútiledi. Jel soltústik-shyǵys pen shyǵystan soǵyp, ekpini 15-28 m/s aralyǵynda bolady. Oblys boıynsha joǵary órt qaýpi bar. Atyraý qalasynda tańerteń jáne kúndiz jańbyr, naızaǵaı, kúndiz shańdy daýyl bolady.
Aqmola oblysynda soltústik-shyǵys jáne shyǵys jel soǵyp, batys pen ońtústiginde ekpini 15-20 m/s jetedi. Soltústik, ortalyq jáne ońtústik aýdandarynda joǵary órt qaýpi saqtalady.
Jambyl oblysynyń taýly aımaqtarynda ótkinshi jańbyr men naızaǵaı bolady. Soltústik-shyǵys jeliniń ekpini 15-28 m/s aralyǵynda, oblystyń batysynda joǵary órt qaýpi bar. Taraz qalasynda jeldiń ekpini tańerteń jáne kúndiz 15-20 m/s.
Ulytaý oblysynda ońtústiginde shańdy daýyl kútiledi. Jel shyǵys baǵytynan soǵyp, batys, soltústik jáne ońtústiginde ekpini 15-20 m/s, kúndiz ońtústiginde keı ýaqytta 23-28 m/s bolady. Joǵary órt qaýpi bar, shyǵys jáne ortalyq aýdandarynda tótenshe órt qaýpi saqtalady. Jezqazǵan qalasynda jeldiń ekpini 15-20 m/s, tótenshe órt qaýpi bar.
Qaraǵandy oblysynda soltústik-shyǵys jáne shyǵys jel soǵyp, tańerteń jáne kúndiz ońtústik bóliginde ekpini 15-20 m/s bolady. Batys pen soltústiginde joǵary, ońtústiginde tótenshe órt qaýpi saqtalady. Qaraǵandy qalasynda joǵary órt qaýpi bar.
Almaty oblysynda soltústik-shyǵys jáne shyǵys jel soǵyp, soltústik, batys jáne shyǵys bólikterinde ekpini 15-20 m/s. Batys aýdandarynda joǵary órt qaýpi saqtalady.
Soltústik Qazaqstan oblysynyń batysynda tuman, shyǵysynda joǵary órt qaýpi bolady.
Shyǵys Qazaqstan oblysynyń soltústik jáne shyǵys bólikterinde jaýyn-shashyn (jańbyr, qar) kútiledi. Túnde jáne tańerteń soltústiginde tuman bolady. Jel soltústik-batystan jáne soltústikten soǵyp, kúndiz soltústik, ońtústik jáne shyǵys bólikterinde ekpini 15-20 m/s. Túnde shyǵysynda 2 gradýs úsik bolady. Ortalyq aýdandarynda joǵary órt qaýpi saqtalady. Óskemen qalasynda jeldiń ekpini 15-18 m/s.
Abaı oblysynyń soltústik bóliginde tuman bolady. Jel soltústik-shyǵys pen soltústikten soǵyp, oblystyń ońtústigi, shyǵysy jáne ortalyǵynda ekpini 15-20 m/s jetedi. Túnde oblystyń batysynda topyraq betinde 1 gradýs úsik kútiledi. Shyǵys aýdandarynda órt qaýipi joǵary deńgeıde saqtalady.
Jetisý oblysynyń taýly aımaqtarynda azdaǵan jańbyr men naızaǵaı bolady. Jel soltústik-shyǵystan soǵyp, oblystyń shyǵysy men ortalyǵynda ekpini 15-20 m/s, keı kezde 25 m/s jetedi. Ońtústik-shyǵys aýdandarynda tótenshe órt qaýpi saqtalady. Taldyqorǵanda jel soltústik-shyǵystan soǵyp, kúndiz ekpini 15-20 m/s bolady.
Qostanaı oblysynda jel soltústik-shyǵys pen shyǵys baǵyttarynan soǵyp, oblystyń ońtústiginde ekpini 15-20 m/s bolady.
Batys Qazaqstan oblysynyń ońtústik bóliginde azdaǵan jańbyr men naızaǵaı kútiledi. Kúndiz oblystyń batysy, ońtústigi jáne shyǵysynda shańdy daýyl soǵady. Jel shyǵys baǵytynan soǵyp, ekpini 15-20 m/s jetedi. Ońtústik jáne ońtústik-batys aýdandarynda órt qaýipi joǵary deńgeıde saqtalady. Oral qalasynda jel shyǵys baǵytynan soǵyp, kúndiz ekpini 15-20 m/s bolady.
Qyzylorda oblysynyń ortalyǵy, batysy jáne ońtústiginde jańbyr, naızaǵaı jáne daýyl kútiledi. Oblystyń ortalyǵy, soltústik jáne ońtústik aımaqtarynda shańdy daýyl soǵady. Jel shyǵys pen ońtústik-shyǵys baǵyttarynan soǵyp, kúshi 15-20 m/s, oblystyń ortalyǵynda 23 m/s jetedi. Batys jáne ortalyq aýdandarda tótenshe órt qaýpi joǵary deńgeıde saqtalady. Qyzylorda qalasynda kúndiz jańbyr, naızaǵaı jáne daýyl bolady, keı ýaqytta shańdy daýyl soǵady. Jel shyǵys baǵytynan soǵyp, ekpini 15-20 m/s bolady. Tótenshe órt qaýpi saqtalady.
Budan buryn habarlaǵanymyzdaı, búgin Astanada jáne taǵy eki qalada aýa sapasy nasharlaıdy.
