Jańbyr men tuman: Qazaqstan óńirlerinde kún raıyna baılanysty eskertý jarııalandy
ASTANA. KAZINFORM - Sınoptıkter 1 sáýirge Qazaqstan aýmaǵy boıynsha daýyldy eskertý jarııalady, dep habarlaıdy Qazgıdromet.
Kásiporyn derekterine qaraǵanda, Astana qalasynda 1 sáýirge qaraǵan túni jáne tańerteń tuman túsedi.
Aqmola oblysynyń soltústiginde, shyǵysynda jáne ońtústiginde túnde jáne tańerteń tuman bolady.
Batys Qazaqstan oblysynda naızaǵaı kútiledi, kúndiz óńirdiń batysynda jáne soltústiginde jańbyr jaýady. Túnde jáne tańerteń oblystyń batysynda, soltústiginde jáne ońtústiginde tuman bolady. Ońtústik-shyǵystan soqqan jel kúndiz soltústik-batys, ońtústik jáne shyǵys bólikterde sekýndyna 15–20 metrge deıin kúsheıedi.
Atyraý oblysynda jańbyr jaýyp, naızaǵaı oınaıdy, óńirdiń shyǵysynda qatty jańbyr jaýady. Túnde jáne tańerteń batys jáne ońtústik bólikterde tuman túsedi. Jel ońtústik-shyǵystan jáne ońtústikten soǵyp, kúndiz soltústik pen shyǵysta ekpini 15–20 m/s-qa jetedi.
Ulytaý oblysyniń soltústiginde, shyǵysynda jáne ortalyǵynda túnde jáne tańerteń tuman túsedi.
Qaraǵandy oblysynda batys, soltústik jáne shyǵys aýdandarda túnde jáne tańerteń tuman bolady.
Aqtóbe oblysyniń batysy men ońtústiginde kúndiz jańbyr jaýyp, naızaǵaı oınaıdy. Soltústik-shyǵystan soqqan jel ońtústik-shyǵysqa aýysyp, kúndiz oblystyń soltústigi men batysynda 15–18 m/s-qa deıin kúsheıedi.
Almaty oblysynyń taýly aımaqtarynda kúndiz ótkinshi jańbyr men naızaǵaı bolady. Іle Alataýynyń taýly bólikterinde, onyń ishinde Almaty qalasynyń Medeý jáne Bostandyq aýdandary mańynda jaýyn-shashyn bolady.
Qostanaı oblysynyń batysynda, soltústiginde jáne shyǵysynda tuman bolady.
Soltústik Qazaqstan oblysynyń soltústiginde, shyǵysynda jáne ońtústiginde tuman men kóktaıǵaq kútiledi.
Túrkistan oblysyniń taýly óńirlerinde naızaǵaı bolady. Ońtústik-shyǵystan soqqan jeldiń jyldamdyǵy 15–20 m/s-qa jetedi. Oblystyń batysynda órt qaýpi joǵary.
Abaı oblysynyń soltústiginde jáne ortalyǵynda túnde jáne tańerteń tuman kútiledi. Jel soltústik-shyǵystan soǵyp, kúndiz soltústik-batysqa aýysady, ekpini 15–18 m/s.
Shyǵys Qazaqstan oblysynyń soltústigi men shyǵysynda tuman bolady.
Qyzylorda oblysynyń ortalyǵynda kúndiz naızaǵaı oınaıdy. Óńirdiń shyǵysynda órt qaýpi saqtalady.
Jambyl oblysynyń taýly aımaqtarynda ótkinshi jańbyr jaýyp, naızaǵaı oınaıdy. Túnde jáne tańerteń tuman túsedi. Soltústik-shyǵystan soqqan jeldiń jyldamdyǵy 15–20 m/s-qa jetedi.
Pavlodar oblysynyń batysynda, soltústiginde jáne shyǵysynda túnde jáne tańerteń tuman kútiledi.
Jetisý oblysynda Alakól kólderi mańynda shyǵystan soqqan jeldiń ekpini 15–20 m/s-qa jetedi.
Mańǵystaý oblysynyń batysynda, ońtústiginde jáne soltústik-shyǵysynda jańbyr jaýyp, naızaǵaı oınaıdy. Oblystyń batysy men ortalyǵynda tuman bolady. Ońtústik-batys jáne batys baǵyttaǵy jeldiń jyldamdyǵy 15–18 m/s-qa deıin kúsheıedi.
Batys Qazaqstanda Shaǵan ózenindegi sý deńgeıi bir táýlikte 81 santımetrge kóterildi.
