Jańbyr, kúshti jel jáne úsik: Qazaqstannyń 16 óńirinde kún raıyna baılanysty eskertý jarııalandy
ASTANA. KAZINFORM - «Qazgıdromet» RMK-si 13 mamyrǵa Astana men 16 óńirde kún raıyna baılanysty eskertý jarııalady.
Astana qalasynda keı ýaqytta jańbyr jaýyp, naızaǵaı oınaıdy. Jel ońtústik-batystan soǵyp, keıin soltústik-batysqa aýysady, ekpini 15–18 m/s.
Aqmola oblysynda túnde jańbyr jaýyp, naızaǵaı oınaıdy. Kúndiz jaýyn-shashyn oblystyń soltústigi, ońtústigi jáne shyǵysynda bolady. Keı jerlerde tuman túsedi. Jel ekpini 15–20 m/s deıin jetedi. Óńirdiń ońtústik-shyǵysynda órt qaýpi joǵary.
Jetisý oblysynyń taýly aımaqtarynda túnde jáne tańerteń tuman túsedi. Shyǵysta jel 15–20 m/s deıin kúsheıedi. Ońtústik-shyǵysta tótenshe órt qaýpi saqtalady.
Ulytaý oblysynda joǵary órt qaýpi saqtalady.
Qaraǵandy oblysynyń soltústiginde tańerteń jáne kúndiz jańbyr jaýyp, naızaǵaı oınaıdy. Shyǵysta túnde 2 gradýs úsik júredi. Birqatar aýdanda órt qaýpi joǵary bolady.
Aqtóbe oblysynda jeldiń ekpini 15–18 m/s deıin kúsheıedi. Ońtústikte órt qaýpi joǵary.
Mańǵystaý oblysynda kúndiz keı jerlerde jańbyr jaýyp, naızaǵaı oınaıdy. Óńirdiń ońtústigi, soltústigi jáne ortalyǵynda shańdy daýyl bolýy múmkin. Jel ekpini 23 m/s deıin jetedi.
Atyraý oblysynyń batys bóliginde ótkinshi jańbyr jaýyp, naızaǵaı oınaıdy. Keı aýdandarda shańdy daýyl kóteriledi. Jel 15–20 m/s.
Shyǵys Qazaqstan oblysynda túnde jańbyr aralas qar jaýady. Aýa temperatýrasy 1–6 gradýsqa deıin tómendep, úsik júredi. Oblys ortalyǵynda órt qaýpi joǵary.
Soltústik Qazaqstan oblysynda naızaǵaı oınap, jańbyr jáne burshaq jaýýy yqtımal. Keı jerlerde tuman túsedi. Shyǵysta túnde 1 gradýs úsik júredi.
Batys Qazaqstan oblysynda naızaǵaı oınap, jańbyr jaýady. Jel ekpini 15–20 m/s.
Abaı oblysynda túnde jáne tańerteń tuman túsedi. Shyǵys pen ońtústikte 3 gradýs úsik bolýy múmkin. Shyǵysynda órt qaýpi joǵary.
Jambyl oblysynyń taýly óńirlerinde tuman túsedi. Jeldiń ekpini 23 m/s deıin jetedi. Batys bólikte órt qaýpi saqtalady.
Qyzylorda oblysynda shańdy daýyl turady. Jel 15–20 m/s deıin kúsheıedi. Keı aýmaqta joǵary jáne tótenshe órt qaýpi saqtalady.
Túrkistan oblysynyń taýly aýdandarynda ótkinshi jańbyr jaýyp, naızaǵaı oınaıdy. Jel ekpini 23 m/s deıin jetedi. Óńirdiń batysy men soltústiginde órt qaýpi joǵary.
Qostanaı oblysynyń soltústigi men shyǵysynda jańbyr jaýyp, naızaǵaı oınaıdy. Keı jerlerde tuman túsedi.
Almaty oblysynyń batysy men ortalyǵynda joǵary órt qaýpi saqtalady.
Osyǵan deıin shildede eldiń basym bóliginde aýa temperatýrasy norma sheginde bolatynyn jazdyq.
