«Jańbyr qarǵa ulasady»: Úsh kúnge aýa raıy boljamy jarııalandy
ASTANA. KAZINFORM — «Qazgıdromet» RMK sınoptıkteri 2026 jylǵy 14–16 sáýirge arnalǵan Qazaqstan boıynsha aýa raıy boljamyn jarııa etti. Boljamǵa sáıkes, aldaǵy kúnderi Qazaqstannyń basym bóliginde bultty jáne jaýyn-shashyndy aýa raıy kútiledi.
Soltústik óńirlerde aýa temperatýrasy nólden tómendep, jańbyrdyń qarǵa aýysýy, kóktaıǵaq qubylystary bolýy múmkin.
— Kúshti jańbyr, burshaq jáne ekpindi jel batys óńirlerde búkil kezeń boıy, 16 sáýirde ońtústikte, 15–16 sáýirde soltústikte jáne ortalyqta kútiledi. 14 sáýirge qaraǵan túni shyǵysta qatty jaýyn-shashyn (jańbyr, qar) boljanady. Qazaqstan boıynsha tuman túsip, jeldiń kúsheıýi kútiledi, — deıdi mamandar.
Aýa temperatýrasy tómendeıdi:
- batysta túnde +2…+10°S, kúndiz +10…+15°S;
- soltústikte túnde -2…-8°S, kúndiz 0…+7°S;
- ońtústikte túnde +3…+13°S, kúndiz +8…+18°S.
Buǵan deıin SQO-da sáýir aıynda aýa raıy qandaı bolatynyn jazǵanbyz.
