Jańbyr, qar jaýady, kóktaıǵaq bolady: 4 qazanǵa aýa raıy boljamy
ASTANA. KAZINFORM – Qazgıdromet 4 qazan, senbige arnalǵan aýa raıy boljamyn jarııalady.
Sınoptıkterdiń boljamy boıynsha, antıtsıklon silemi áserinen eldiń basym bóliginde jaýyn-shashynsyz aýa raıy saqtalady. Tek soltústik, shyǵys jáne ortalyq óńirlerde atmosferalyq fronttardyń ótýine baılanysty jańbyr men qar jaýady.
Respýblıka boıynsha jel kúsheıip, tuman túsedi, ońtústikte shańdy daýyl, shyǵysta kóktaıǵaq bolady.
Jambyl oblysynyń taýly aımaqtarynda, Almaty oblysynyń soltústigi men ońtústiginde, Batys Qazaqstan oblysynyń soltústigi men shyǵysynda, Jetisý oblysynyń ortalyǵynda, Qyzylorda oblysynyń soltústiginde 1-3°S úsik júredi.
Batys Qazaqstan oblysynyń batysy, soltústigi men ortalyǵynda, Atyraý oblysynyń soltústik-shyǵysynda, Aqtóbe oblysynyń ońtústigi men soltústiginde, Jambyl oblysynyń ortalyǵynda, Mańǵystaý oblysynyń batysy men soltústik-shyǵysynda joǵary órt qaýpi bar.
Qyzylorda oblysynda, Túrkistan oblysynyń soltústigi, ońtústigi, batysy men shóldi aýdandarynda, Atyraý oblysynyń soltústigi, shyǵysy men ońtústiginde, Jambyl oblysynyń batysy men soltústiginde, Batys Qazaqstan oblysynyń soltústik-batysy, ońtústigi men ońtústik-shyǵysynda, Aqtóbe oblysynyń batysy, soltústik-shyǵysy men ortalyǵynda, Almaty oblysynyń soltústiginde, Ulytaý oblysynyń ońtústiginde tótenshe órt qaýpi bar.
Aıta keteıik, Qaraǵandy oblysynda qazan aıynda aýa raıy qandaı bolatynyn jazǵan bolatynbyz.