Jańbyr, qar jáne qatty jel: El óńirlerinde aýa raıyna baılanysty eskertý jasaldy

Abaı oblysynda túnde oblystyń soltústiginde, ortalyǵynda qatty jańbyr jaýady. Túnde jáne tańerteń oblystyń batysy men soltústiginde tuman túsedi. Ońtústik-batystan, batystan soǵatyn jeldiń jyldamdyǵy 15-20 m/s, oblystyń batysynda, soltústiginde jáne ortalyǵynda ekpini 23-28 m/s-qa jetedi. Oblystyń soltústigi men ortalyǵynda joǵary órt qaýpi, soltústik-batysynda tótenshe órt qaýpi saqtalady. Semeıde ońtústik-batystan, batystan jel soǵyp, jyldamdyǵy 15-20 m/s, túnde keı ýaqytta 23 m/s bolady. Joǵary órt qaýpi saqtalady.

Aqtóbe oblysynda túnde jaýyn-shashyn (jańbyr, qar) jaýady. Oblystyń soltústigi men shyǵysynda kóktaıǵaq bolady. Kúndiz soltústik pen shyǵysta azdaǵan jaýyn-shashyn (jańbyr, qar) túsedi. Batystan, ońtústik-batystan soǵatyn jel túnde oblystyń ońtústigi men shyǵysynda 15-20 m/s, kúndiz 15-20 m/s, soltústiginde, shyǵysynda jáne ońtústiginde keı ýaqytta 23-28 m/s-qa deıin kúsheıedi. Oblystyń shyǵysynda joǵary órt qaýpi, batysynda, ońtústiginde, soltústik-shyǵysynda jáne ortalyǵynda tótenshe órt qaýpi saqtalady. Aqtóbede túnde jańbyr men qar jaýyp, kóktaıǵaq bolady. Batystan, ońtústik-batystan soǵatyn jeldiń kúndizgi ekpini 15-20 m/s, keı ýaqytta 25 m/s bolady.

Atyraý oblysynda batystan jel soǵady, túnde oblystyń soltústigi men shyǵysynda jeldiń ekpini 15-20 m/s-qa jetedi. Obly boıynsha joǵary órt qaýpi, ońtústiginde tótenshe órt qaýpi saqtalady. Atyraý qalasynda tótenshe órt qaýpi saqtalady.

Aqmola oblysynda jańbyr men qar jaýady, jaıaý burqasyn bolady. Kúndiz oblystyń batysy men soltústiginde qatty jaýyn-shashyn (jańbyr, qar) túsedi. Túnde oblystyń batysy men soltústiginde tuman túsip, kóktaıǵaq bolady.

Almaty oblysynyń ońtústiginde keı ýaqytta qatty jańbyr jaýady. Taýly aýdandarda jaýyn-shashyn, keı ýaqytta qatty jaýyn-shashyn (jańbyr, qar) kútiledi. Túnde jáne tańerteń taýly aýdandarda tuman túsedi. Oblystyń batysynda, ońtústiginde, shyǵysynda jáne taýly aýdandarynda soltústik-batystan soǵatyn jeldiń ekpini 15-20 m/s, keı ýaqytta 25 m/s bolady. Oblystyń soltústiginde, batysynda, shyǵysynda jáne ortalyǵynda tótenshe órt qaýpi saqtalady. Almatyda túnde keı ýaqytta qatty jańbyr jaýady. Soltústik-batystan soǵatyn jeldiń ekpini keı ýaqytta 15-18 m/s bolady. Qonaevta soltústik-batystan jel soǵyp, ekpini 15-20 m/s, keı ýaqytta 25 m/s-qa jetedi. Tótenshe órt qaýpi saqtalady. Іle Alataýynyń taýlarynda (Almaty qalasynyń Medeý jáne Bostandyq aýdandarynyń taýly aımaqtarynda) jaýyn-shashyn, keı ýaqytta qatty jaýyn-shashyn (jańbyr, qar) kútiledi. Túnde jáne tańerteń tuman túsedi. Soltústik-batystan soǵatyn jeldiń ekpini 15-20 m/s, keı ýaqytta 25 m/s bolady.

Shyǵys Qazaqstan oblysynyń soltústiginde qatty jańbyr jaýady. Shyǵysynda jáne taýly aýdandarynda jańbyr men qar jaýady. Túnde jáne tańerteń oblystyń soltústigi men shyǵysynda tuman túsedi. Ońtústik-shyǵystan soǵatyn jel birtindep ońtústik-batysqa aýysyp, jyldamdyǵy 15-20 m/s, oblystyń batysynda, soltústiginde jáne ońtústiginde ekpini 23-28 m/s bolady. Oblystyń ońtústigi men ortalyǵynda joǵary órt qaýpi, ońtústik-shyǵysynda tótenshe órt qaýpi saqtalady. Óskemende ońtústik-shyǵystan soǵatyn jel ońtústik-batysqa aýysady, ekpini 15-20 m/s, túnde keı ýaqytta 23 m/s bolady.

Jambyl oblysynda túnde jańbyr jaýyp, naızaǵaı oınaıdy. Oblystyń ońtústigi men shyǵysynda qatty jańbyr jaýady. Taýly aýdandarda jaýyn-shashyn, keı ýaqytta qatty jaýyn-shashyn (jańbyr, qar) kútiledi. Kúndiz taýly aýdandarda jańbyr jaýyp, naızaǵaı oınaıdy. Taýly aýdandarda tuman túsedi. Ońtústik-batystan soǵatyn jeldiń oblystyń ońtústik-batysynda, soltústik-shyǵysynda jáne taýly aýdandarynda ekpini 15-20 m/s, keı ýaqytta 23-28 m/s bolady. Oblystyń batysynda, soltústiginde jáne ońtústiginde tótenshe órt qaýpi saqtalady. Tarazda túnde jańbyr jaýyp, naızaǵaı oınaıdy.

Jetisý oblysynda jańbyr jaýady. Oblystyń shyǵysy men ortalyǵynda qatty jańbyr jaýady. Taýly aýdandarda jaýyn-shashyn, keı ýaqytta qatty jaýyn-shashyn (jańbyr, qar) kútiledi. Túnde jáne tańerteń taýly aýdandarda tuman túsedi. Oblystyń shyǵysynda jáne taýly aýdandarynda ońtústik-batystan soǵatyn jeldiń jyldamdyǵy 15-20 m/s, Alakól kólderi mańynda ekpini 23-28 m/s bolady. Oblystyń shyǵysynda tótenshe órt qaýpi saqtalady. Taldyqorǵanda túnde keı ýaqytta qatty jańbyr jaýady.

Batys Qazaqstan oblysynyń soltústik-shyǵysy men shyǵysynda túnde jańbyr men qar jaýady. Túnde jáne tańerteń oblystyń batysy men soltústiginde tuman túsedi. Soltústik-batystan, batystan soǵatyn jeldiń oblystyń soltústik-shyǵysy men shyǵysynda ekpini 15-20 m/s bolady. Oblystyń ońtústigi men shyǵysynda joǵary órt qaýpi saqtalady. Oralda túnde jáne tańerteń tuman túsedi.

Qaraǵandy oblysynyń soltústiginde, shyǵysynda jáne ońtústiginde túnde jańbyr men qar jaýady. Kúndiz oblystyń batysynda, soltústiginde jáne shyǵysynda jaýyn-shashyn (jańbyr, qar) kútiledi. Túnde jáne tańerteń oblystyń batysynda, soltústiginde jáne shyǵysynda tuman túsedi. Ońtústik-batystan soǵatyn jeldiń túnde oblystyń ońtústigindegi, kúndizgi ekpini 15-20 m/s bolady. Oblystyń batysy men ortalyǵynda tótenshe órt qaýpi saqtalady, shyǵysy men ońtústiginde tótenshe órt qaýpi kútiledi. Qaraǵandyda keı ýaqytta jańbyr men qar jaýady. Túnde jáne tańerteń tuman túsedi. Ońtústik-batystan soǵatyn jeldiń ekpini 15-20 m/s bolady.

Qostanaı oblysynda jańbyr men qar jaýady, jaıaý burqasyn, kóktaıǵaq bolady. Oblystyń batysynda, soltústiginde jáne shyǵysynda qatty jaýyn-shashyn (jańbyr, qar) kútiledi. Túnde jáne tańerteń oblystyń batysy men soltústiginde tuman túsedi. Qostanaıda jańbyr men qar jaýyp, jaıaý burqasyn jáne kóktaıǵaq bolady. Kúndiz keı ýaqytta qatty jaýyn-shashyn (jańbyr, qar) túsedi.

Qyzylorda oblysynyń batysynda, soltústiginde jáne ortalyǵynda shańdy daýyl bolady. Ońtústik-batystan soǵatyn jeldiń jyldamdyǵy túnde oblystyń batysynda, soltústiginde jáne ortalyǵynda 15-20 m/s, kúndiz 15-20 m/s, ekpini 23 m/s bolady. Túnde oblystyń soltústigi men shyǵysynda topyraq betinde 1 gradýsqa deıin qatqaq júredi. Oblysta tótenshe órt qaýpi, soltústigi men ortalyǵynda joǵary órt qaýpi saqtalady. Qyzylordada kúndiz shańdy daýyl bolady. Ońtústik-batystan soǵatyn jeldiń kúndizgi ekpini 15-20 m/s bolady. Tótenshe órt qaýpi saqtalady.

Mańǵystaý oblysynda soltústik-batystan jel soǵady. Túnde oblystyń batysy men soltústiginde jeldiń ekpini 15-20 m/s bolady. Oblystyń batysy men ortalyǵynda joǵary órt qaýpi saqtalady. Aqtaýda túnde soltústik-batystan soǵatyn jeldiń ekpini 15-18 m/s bolady. Joǵary órt qaýpi saqtalady.

Soltústik Qazaqstan oblysynda jańbyr men qar jaýady, jaıaý burqasyn jáne kóktaıǵaq bolady. Kúndiz oblystyń batysy men soltústiginde qatty jaýyn-shashyn (jańbyr, qar) túsedi. Túnde jáne tańerteń oblystyń batysy men soltústiginde tuman túsedi. Petropavlda jańbyr men qar jaýyp, jaıaý burqasyn jáne kóktaıǵaq bolady. Túnde jáne tańerteń tuman túsedi.

Túrkistan oblysynyń ońtústiginde jáne taý bókterindegi aýdandarynda túnde jańbyr jaýyp, naızaǵaı oınaıdy. Taýly aýdandarda jaýyn-shashyn, túnde keı ýaqytta qatty jaýyn-shashyn (jańbyr, qar) kútiledi. Kúndiz taýly aýdandarda jańbyr jaýyp, naızaǵaı oınaıdy. Túnde jáne tańerteń taýly aýdandarda tuman túsedi. Soltústik-batystan soǵatyn jeldiń oblystyń batysynda, soltústiginde, ońtústiginde jáne taýly aýdandarynda jyldamdyǵy 15-20 m/s, ekpini 23-28 m/s bolady. Túnde oblystyń soltústiginde jáne taýly aýdandarda topyraq betinde 1 gradýsqa deıin qatqaq júredi. Oblystyń batysynda, soltústiginde, ońtústiginde jáne ortalyǵynda tótenshe órt qaýpi saqtalady. Shymkentte túnde jańbyr jaýyp, naızaǵaı oınaıdy. Soltústik-batystan soǵatyn jeldiń ekpini 15-20 m/s bolady. Túrkistanda soltústik-batystan jel soǵyp, ekpini 15-20 m/s-qa jetedi. Tótenshe órt qaýpi saqtalady.

Ulytaý oblysynyń batysy men soltústiginde jańbyr men qar jaýady. Túnde jáne tańerteń oblystyń soltústigi men shyǵysynda tuman túsedi. Ońtústik-batystan soǵatyn jeldiń túngi ekpini oblystyń batysy men soltústiginde, kúndiz 15-20 m/s bolady. Oblystyń ortalyǵynda tótenshe órt qaýpi saqtalady. Jezqazǵanda ońtústik-batystan jel soǵyp, ekpini 15-20 m/s bolady. Tótenshe órt qaýpi saqtalady.

Osyǵan deıin Qaraǵandy oblysynda qazannyń sońynda -7°S aıaz kútiletini aıtyldy.