Jańbyr, qar, kóktaıǵaq: aldaǵy úsh kúnde elde aýa raıy qalaı ózgeredi
ASTANA. KAZINFORM — 2026 jylǵy 14–16 qarashaǵa arnalǵan Qazaqstan aýmaǵy boıynsha aýa raıy boljamy jarııalandy.
«Qazgıdromet» RMK sınoptıkteriniń boljamyna sáıkes, Qazaqstannyń basym bóliginde jańbyr jáne qar túrinde jaýyn-shashyn kútiledi.
— Tek Qyzylorda oblysynda jaýyn-shashynsyz aýa raıy boljanady. 15 qarashada elimizdiń batysynda qatty jańbyr, al 16 qarashada Batys Qazaqstan oblysynda qatty jaýyn-shashyn (jańbyr, qar) kútiledi. Respýblıka boıynsha jeldiń kúsheıýi, kóktaıǵaq, túngi jáne tańerteńgi saǵattarda tuman boljanady, — delingen habarlamada.
Aýa temperatýrasy:
Elimizdiń batysynda túnde aýa temperatýrasy +2+8°S-tan +6+11°S-qa deıin joǵarylaıdy, 16 qarashada -2+3°S-qa deıin azdap tómendeıdi. Kúndiz +8+13°S-tan +1+8°S-qa deıin tómendeıdi.
Ońtústik-batysta túnde aýa temperatýrasy +4+9°S-tan 0, +5°S-qa deıin, kúndiz +10+15°S-tan +5+10°S-qa deıin tómendeıdi.
Soltústik-batysta túnde aýa temperatýrasy negizinen -3+3°S, kúndiz +2+9°S-tan +4+11°S-qa deıin azdap joǵarylaıdy.
Soltústikte túnde aýa temperatýrasy negizinen -5+2°S, kúndiz -2+3°S-tan 0, +5°S-qa deıin azdap joǵarylaıdy. Pavlodar oblysynda túnde -3-8°S-qa deıin, kúndiz -2+3°S-qa deıin tómendeıdi.
Ortalyqta túnde aýa temperatýrasy negizinen -2-10°S, kúndiz -3+5°S bolady.
Elimizdiń shyǵysynda aýa temperatýrasy túnde -1-8°S-tan -6-13°S-qa deıin tómendeıdi, kúndiz negizinen -5+3°S bolady.
Respýblıkanyń ońtústiginde túnde aýa temperatýrasy negizinen -5+3°S, kúndiz +5+12°S-tan +7+15°S-qa deıin joǵarylaıdy.
Ońtústik-shyǵysta túnde aýa temperatýrasy -1-6°S-tan -5-10°S-qa deıin, taýly aýdandarda -9-14°S-tan -13-18°S-qa deıin tómendeıdi. Kúndiz aýa temperatýrasy +2+10°S-tan 0, +8°S-qa deıin, taýly aýdandarda -1-6°S-tan -3-8°S-qa deıin tómendeıdi.
Osydan buryn 13 qarashada jolǵa shyǵatyn júrgizýshiler neni eskerýi kerek ekenin jazǵanbyz.
