Jańbyr, qar, kóktaıǵaq — 24 qarashaǵa jasalǵan kún raıy boljamy

Qazgıdromet Qazaqstan aımaqtarynda 2023 jylǵy 24 qarashada bolatyn qaýipti meteorologııalyq qubylystarǵa boljaý konsýltatsııasyn jarııalady, dep habarlaıdy Kazinform. 

Ońtústik Kaspıı tsıklony jáne onymen baılanysty atmosferalyq fronttar QR aýmaǵy arqyly jyljýyn jalǵastyrady jáne eldiń basym bóligine yqpalyn saqtaıdy, sonymen birge jaýyn-shashyn (jańbyr, qar), ońtústik-batysta, soltústik-batysta, soltústikte – qatty jaýyn-shashyn jaýady. Qazaqstan boıynsha tuman, kóktaıǵaq, jeldiń kúsheıýi, soltústik, soltústik-batys, ortalyq aýdandarynda burqasyn kútiledi.

Aqmola oblysynyń batysynda, soltústiginde, Túrkistan oblysynyń taý asýlarynda, túnde Soltústik Qazaqstan oblysynyń ońtústiginde, batysynda, kúndiz Jambyl oblysynyń ońtústik-batysynda 30 m/s jáne odan asa jel kútiledi.