Jańbyr, qar, kóktaıǵaq: 18 sáýirge arnalǵan aýa raıy boljamy

ASTANA. KAZINFORM – Qazgıdromet sınoptıkteri 18 sáýirde birneshe óńirde aýa raıyna baılanysty eskertý jasady.

Sınoptıkterdiń boljamy boıynsha, Pavlodar oblysynyń soltústiginde, ońtústiginde, shyǵysynda jaýyn-shashyn (qar, jańbyr), kóktaıǵaq bolady. Oblystyń soltústiginde, shyǵysynda tuman túsedi. Soltústik-batystan jel soǵady, kúndiz ekpini 15-20 m/s bolady.

Ulytaý oblysynda túnde jáne tańerteń tuman túsedi.

Soltústik Qazaqstan oblysynda túnde jaýyn-shashyn (kóbinese qar), kóktaıǵaq, kúndiz oblystyń soltústiginde, shyǵysynda, ońtústiginde jaýyn-shashyn (jańbyr, qar) jaýady. Kóktaıǵaq bolady.

Qostanaı oblysynyń soltústiginde, shyǵysynda jaýyn-shashyn (jańbyr, qar) bolady. Túnde jáne tańerteń oblystyń batysynda, ońtústiginde tuman túsedi. Soltústik-batystan jel soǵady, oblystyń soltústiginde, shyǵysynda ekpini 15-20 m/s.

Aqtóbe oblysynyń soltústik-shyǵysynda 2 gradýs úsik júredi. Batystan, soltústik-batystan jel soǵady, kúndiz oblystyń soltústiginde ekpini 15 m/s.

Abaı oblysynyń soltústiginde, shyǵysynda, ortalyǵynda jaýyn-shashyn (jańbyr, qar), kóktaıǵaq bolady. Túnde jáne tańerteń oblystyń ońtústiginde tuman túsedi. Jel soltústik-batystan soǵady, ekpini 15-20, kúndiz oblystyń ońtústiginde ekpini 23 m/s.

Shyǵys Qazaqstan oblysynyń batysynda, soltústiginde, shyǵysynda jaýyn-shashyn, keı ýaqyttarda kóktaıǵaq bolady. Túnde jáne tańerteń oblystyń shyǵysynda tuman túsedi. Jel soltústik-batystan soǵady, oblystyń soltústiginde, shyǵysynda, ońtústiginde 15-20, kúndiz ekpini 23 m/s.

Qaraǵandy oblysynyń shyǵysynda túnde kóktaıǵaq, kúndiz oblystyń soltústiginde jaýyn-shashyn (jańbyr, qar) bolady. Túnde jáne tańerteń oblystyń soltústiginde, shyǵysynda tuman túsedi. Soltústik-batystan jel soǵady, kúndiz oblystyń batysynda, soltústiginde, shyǵysynda ekpini 15-20 m/s.

Astanada tańerteń jáne kúndiz jaýyn-shashyn (jańbyr, qar) bolady. Ońtústik-batystan soǵatyn jel soltústik-batysqa aýysady, tańerteń jáne kúndiz ekpini 15-20 m/s, kúndiz keı ýaqyttarda 23 m/s.

Batys Qazaqstan oblysynyń soltústiginde topyraq betinde 2 gradýs úsik júredi.

Qyzylorda oblysynyń soltústiginde, shyǵysynda, ortalyǵynda shańdy daýyl turady. Jel soltústik-shyǵystan soǵady, oblystyń soltústiginde, shyǵysynda, ortalyǵynda ekpini 15-20 m/s.

Jambyl oblysynyń ońtústiginde, taýly aýdandarynda naızaǵaı, tuman bolady. Soltústik-batystan jel soǵady, kúndiz oblystyń ońtústik-batysynda, soltústik-shyǵysynda, taýly aýdandarynda ekpini 15-20 m/s.

Túrkistan oblysynyń taýly aımaqtarynda jańbyr jaýady. Oblystyń soltústiginde, batysynda shańdy daýyl turady. Soltústik-shyǵystan jel soǵady, oblystyń soltústiginde, batysynda, ortalyǵynda jáne taýly aýdandarynda 15-20, kúndiz ekpini 23 m/s.

Shymkentte túnde naızaǵaı oınaıdy. Soltústik-shyǵystan jel soǵady, ekpini 15-20 m/s.

Jetisý oblysynyń taýly aýdandarynda túnde tuman túsedi, oblystyń shyǵysynda, taýly aýdandarda kúndiz naızaǵaı jarqyldaıdy. Soltústik-shyǵystan jel soǵady, oblystyń shyǵysynda, taýly aýdandarda ekpini 15-20 m/s.