Jańbyr, qar: beısenbige kún raıy boljamy

7 jeltoqsan kúni respýblıkanyń kóp bóligine tsıklon jáne onymen baılanysty atmosferalyq fronttar áseri jalǵasady. Kazinform bul týraly «Qazgıdromet» RMK-ǵa silteme jasap habarlaıdy. 

Sonyń áserinen jańbyr men qar túrinde jaýyn-shashyn saqtalady. Tek batysta jaýyn-shashynsyz kún raıy kútiledi. Sondaı-aq Qazaqstannyń barlyq aýmaǵynda tuman, kóktaıǵaq, ekpindi jel boljanady. Eldiń shyǵysynda óte qatty jel soǵady.

Túnde Shyǵys Qazaqstan oblysynyń soltústiginde, shyǵysy men ońtústiginde 30 m/s jáne odan joǵary jyldamdyqta jel turady.

Jetisý oblysynyń Alakól aýdanynda keı ýaqytta jeldiń kúshi artyp, 30 m/s jáne odan joǵary bolady.