Jańbyr, burshaq, jel: Sınoptıkter 4 maýsym kúngi aýa raıy boljamyn jarııalady

ASTANA. KAZINFORM - "Qazgıdromet" RMK el aýmaǵynda 4 maýsymda bolatyn qaýipti meteorologııalyq qubylystarǵa boljam jasady. 

Sınoptıkterdiń málimetinshe, Qazaqstan Respýblıkasy aýmaǵynyń basym bóliginde atmosferalyq fronttardyń ótýimen turaqsyz aýa raıy bolady, naızaǵaı oınap, jańbyr jaýady. Kúndiz soltústikte, shyǵysta burshaq túsedi. Respýblıka boıynsha jel kúsheıýi kútiledi.

«Batys Qazaqstan, Qyzylorda, Mańǵystaý, Atyraý oblystarynyń ońtústiginde, soltústiginde, shyǵysynda, ortalyǵynda, soltústik-shyǵysynda, Túrkistan oblysynyń taý bókterindegi aýdandarynda, Jambyl oblysynyń soltústik-batysynda, ońtústik-shyǵysynda, Qostanaı oblysynyń ońtústiginde, Aqtóbe oblysynyń batysynda, ońtústiginde, Qaraǵandy oblysynyń ońtústiginde, Ulytaý oblysynyń ońtústiginde joǵary deńgeıde órt qaýpi saqtalady, Jetisý oblysynyń soltústiginde, shyǵysynda órt qaýpi joǵary bolýy múmkin», — dep jazdy vedomstvo.

Túrkistan oblysynyń shóldi aýdandarynda, Atyraýdyń soltústik-batysynda, Qyzylorda oblysynyń shyǵysynda, batysynda, Batys Qazaqstan oblysynyń ońtústiginde tótenshe órt qaýpi saqtalady.