Jańbyr, burshaq, jel: 1 shildege arnalǵan aýa raıy boljamy

ASTANA. KAZINFORM -  «Qazgıdromet» RMK Qazaqstan aýmaǵy boıynsha 1 shildege arnalǵan jalpy aýa raıy boljamyn jarııalady.

Sınoptıkterdiń boljamy boıynsha, elimizdiń basym bóliginde jańbyr jaýady.

Elimizdiń soltústik-batysynda, soltústiginde jańbyr jaýyp, naızaǵaı oınaıdy, burshaq túsedi, qatty jel turady. Elimizdiń batysynda ǵana aýa raıy jaýyn-shashynsyz bolady dep boljanady. Respýblıkamyz boıynsha ortaq tabıǵı qubylys – jeldiń ekpin alýy. Elimizdiń ońtústiginde shańdy daýyl turady, soltústik-batysta túngi jáne tańerteńgi ýaqyttarda tuman bolady.

Qaraǵandy, Pavlodar, Abaı, Jetisý oblystarynda, Ulytaý óńiriniń soltústiginde, Aqmola oblysynyń batysynda, ońtústiginde, shyǵysynda, Shyǵys Qazaqstan oblysynyń batysynda, soltústiginde órt qaýpi joǵary bolady.

Túrkistan, Jambyl, Qyzylorda, Almaty, Ulytaý oblystarynda, Qostanaı, Shyǵys Qazaqstan jáne Abaı oblystarynyń ońtústiginde, Jetisý óńiriniń soltústiginde, shyǵysynda, Atyraý oblysynyń batysynda, ońtústik-shyǵysynda, Mańǵystaý oblysynyń batysynda tótenshe órt qaýpi saqtalady.