Jańbyr, burshaq jaýady: 3 tamyzǵa arnalǵan aýa raıy boljamy

ASTANA. KAZINFORM – «Qazgıdromet» RMK 3 tamyzǵa arnalǵan aýa raıy boljamyn jarııalady.  

Astana qalasynda túnde naızaǵaı oınap, tuman túsedi.

Almaty qalasynda naızaǵaı kútiledi. Soltústik-batystan soǵatyn jeldiń ekpini keı kezderi 18-23 m/s-qa jetedi. Óte joǵary órt qaýiptiligi saqtalady.

Shymkent qalasynda 3 tamyz kúni óte joǵary órt qaýiptiligi saqtalady.

Abaı oblysynyń shyǵysynda, ońtústiginde jáne ortalyǵynda jańbyr, kúndiz burshaq jaýyp, daýyl turady. Oblys aýmaǵynda naızaǵaı bolady. Soltústik, soltústik-batys baǵyttaǵy jel soltústikte, ońtústikte jáne ortalyqta 15-20 m/s, ekpini 23-28 m/s-qa deıin jetedi. Oblys boıynsha joǵary órt qaýpi saqtalady, al ońtústigi men ortalyǵynda óte joǵary órt qaýpi saqtalady.

Aqmola oblysynyń soltústigi men shyǵysynda túnde naızaǵaı kútiledi. Túnde jáne tańerteń batysy, ońtústigi jáne shyǵysynda tuman túsedi. Soltústik, soltústik-shyǵys jeli kúndiz soltústigi men shyǵysynda 15-20 m/s ekpinmen soǵady.

Aqtóbe oblysynyń batysynda jáne ońtústiginde kúndiz 35 gradýsqa deıin qatty ystyq bolady. Ońtústiginde óte joǵary órt qaýpi saqtalady.

Almaty oblysynyń ońtústigi men taýly aımaqtarynda keı kezderi naızaǵaı kútiledi. Batystan, soltústik-batystan soǵatyn jel ońtústigi men taýly aımaqtarda 18-23 m/s jyldamdyqpen soǵady. Óte joǵary órt qaýpi saqtalady.

Atyraý oblysynda ońtústik-shyǵystan soǵatyn jel kúndiz oblystyń soltústiginde 15-20 m/s-qa jetedi. Kúndiz 35-39 gradýs qatty ystyq bolady. Soltústiginde, shyǵysynda jáne ońtústiginde óte joǵary órt qaýpi saqtalady.

Shyǵys Qazaqstan oblysynyń soltústiginde, shyǵysynda jáne ońtústiginde jańbyr, kúndiz burshaq jaýyp, daýyl turady. Oblys boıynsha naızaǵaı bolady. Ońtústik-batystan soltústik-batysqa aýysatyn jel soltústiginde, shyǵysynda jáne ońtústiginde 15-20 m/s, ekpini 23-28 m/s. Shyǵysy, batysy jáne ortalyǵynda óte joǵary órt qaýpi saqtalady.

Jambyl oblysynda túnde taýly aýdandarda naızaǵaı, kúndiz ońtústigi, shyǵysy jáne taýly aýdandarda naızaǵaı men burshaq kútiledi. Soltústik-shyǵystan soǵatyn jel taýly aýdandarda 15-20 m/s. Soltústiginde, batysynda jáne shyǵysynda óte joǵary órt qaýpi saqtalady.

Jetisý oblysynyń taýly aýdandarynda kúndiz qatty jańbyr, burshaq jaýyp, daýyl turady. Shyǵysy, ortalyǵy jáne taýly aýdandarynda naızaǵaı bolady. Jel ońtústik-batystan soǵyp, shyǵysy, ortalyǵy jáne taýly aýdandarda 15-20 m/s, keıde 23-28 m/s-qa jetedi. Óte joǵary órt qaýpi saqtalady.

Batys Qazaqstan oblysynyń batysy men ońtústiginde naızaǵaı kútiledi. Kúndiz ońtústigi, batysy jáne ortalyǵynda 35-37 gradýsqa deıin qatty ystyq bolady. Batysynda joǵary órt qaýpi saqtalady.

Qaraǵandy oblysynyń soltústigi, shyǵysy jáne ońtústiginde túnde naızaǵaı bolady. Soltústiginde túnde jáne tańerteń tuman kútiledi. Soltústik jeli kúndiz soltústigi men shyǵysynda 15-20 m/s-qa jetedi. Ońtústiginde óte joǵary órt qaýpi saqtalady.

Qostanaı oblysynyń batysy men soltústiginde túnde jáne tańerteń tuman kútiledi. Soltústik, soltústik-shyǵys jeli kúndiz ońtústiginde 15-20 m/s-qa jetedi. Ońtústiginde óte joǵary órt qaýpi saqtalady.

Qyzylorda oblysynda soltústikten soǵatyn jel kúndiz soltústigi men ortalyǵynda 15-20 m/s ekpinmen soǵady. Oblystyń ońtústik jartysynda óte joǵary órt qaýpi saqtalady.

Mańǵystaý oblysynyń batysy, ońtústigi jáne ortalyǵynda kúndiz shańdy daýyl kútiledi. Ońtústik-shyǵystan soǵatyn jel 15-20 m/s. Kúndiz 38-40 gradýsqa deıin qatty ystyq bolady. Soltústik-shyǵysynda joǵary órt qaýpi, al batysy, ońtústigi jáne ortalyǵynda — óte joǵary órt qaýpi saqtalady.

Pavlodar oblysynyń soltústigi, shyǵysy jáne ońtústiginde naızaǵaı kútiledi. Soltústik-batystan soǵatyn jeldiń ekpini 15-20 m/s. Soltústiginde joǵary órt qaýpi bar.

Soltústik Qazaqstan oblysynyń soltústigi, shyǵysy jáne ońtústiginde naızaǵaı kútiledi. Túnde jáne tańerteń ońtústigi men shyǵysynda tuman bolady. Soltústigi, shyǵysy jáne ońtústiginde kúndiz jel 15-20 m/s-qa deıin kúsheıedi.

Túrkistan oblysynyń taýly aýdandarynda kúndiz naızaǵaı bolady. Soltústik-batystan soǵatyn jel taýly aýdandarda 15-20 m/s. Oblys boıynsha óte joǵary órt qaýpi saqtalady.

Ulytaý oblysynda soltústikten jáne soltústik-shyǵystan soǵatyn jel kúndiz oblystyń soltústigi men shyǵysynda 15-20 m/s-qa jetedi. Ońtústiginde óte joǵary órt qaýpi saqtalady.