Jańbyr, burshaq jaýady: 28 shildege arnalǵan aýa raıy boljamy
ASTANA. KAZINFORM – «Qazgıdromet» 28 shilde, dúısenbige arnalǵan aýa raıy boljamyn jarııalady.
Sınoptıkterdiń boljamy boıynsha, Qazaqstannyń birqatar aımaǵynda naızaǵaı oınaıdy, órt qaýpi joǵary bolady.
Eldiń soltústiginde nóser jańbyr jaýady, keı aımaqtarda daýyl bolyp, burshaq túsýi múmkin. Tek Qazaqstannyń ońtústik-batysynda jaýyn-shashynsyz aýa raıy saqtalady. Respýblıka boıynsha jel kúsheıedi, ońtústikte shańdy daýyl soǵady. Soltústikte túngi jáne tańǵy ýaqytta tuman túsedi.
Kúndiz Jetisý, Abaı oblystarynda, sondaı-aq Jambyl, Almaty jáne Shyǵys Qazaqstan óńirlerinde aptap ystyq – +35…+38°C.
Jetisý oblysynyń soltústik-batysy men ortalyǵynda, Abaı oblysynyń ońtústiginde, sondaı-aq Almaty oblysynyń batysy men soltústiginde aptap ystyq bolady. Bul óńirlerde termometr +41…+42°C deıin kóteriledi.
Aıta keteıik, Vengrııada 100 jyldan bergi eń joǵary aýa temperatýrasy tirkeldi.