Jańbyr, burshaq jaýady: 14 maýsymǵa arnalǵan aýa raıy boljamy

ASTANA. KAZINFORM – Atmosferalyq fronttardyń ótýine baılanysty 14 maýsymda elimizdiń basym bóliginde aýa raıy qubylmaly bolady. 

«Qazgıdromet» RMK málimetinshe, respýblıkanyń shyǵysynda jáne ortalyǵynda kún kúrkirep, burshaq, nóser jańbyr jaýady.

Elimizdiń soltústik-batysynda jáne ońtústiginde ǵana jaýyn-shashynsyz aýa raıy saqtalady. Respýblıka boıynsha jel kúsheıedi. Ońtústikte shańdy daýyl soǵady, túnde qıyr soltústikte tuman túsedi dep boljanady.

Kúndiz Batys Qazaqstan, Atyraý, Aqtóbe, Mańǵystaý, Qostanaı oblystarynda kún ysıdy.

Ulytaý, Jambyl oblysynda, Almaty oblysynyń soltústik jartysynda, ońtústiginde, soltústiginde, Batys Qazaqstan oblysynda, Aqtóbe oblysynyń ortalyǵynda, Mańǵystaý oblysynyń jaǵalaýynda, batysynda, Jetisý oblysynyń soltústik-shyǵysynda, ońtústiginde, Abaı oblysynyń ortalyǵynda, batysynda, Qaraǵandy oblysynyń ortalyǵynda, ońtústik-batysynda, Qostanaı oblysynyń ońtústiginde, Shyǵys Qazaqstan oblysynda joǵary órt qaýpi saqtalady.

Atyraý, Mańǵystaý, Túrkistan, Qyzylorda oblystarynda, Batys Qazaqstannyń batysynda, Aqtóbeniń ońtústiginde, batysynda, Jambyldyń shyǵysynda, Almaty oblysynyń ortalyǵynda, Qostanaı oblysynyń ońtústiginde, Jetisý oblysynyń batysynda, Qaraǵandy ​​oblysynyń ońtústiginde tótenshe órt qaýpi bar.