Jańbyr, burshaq, aptap ystyq: 11 tamyzǵa aýa raıy boljamy jarııalandy
ASTANA. KAZINFORM – Qazgıdromet 11 tamyzda elimizdiń barlyq óńirinde aýa raıyna baılanysty eskertý jarııalady.
Sınoptıkterdiń boljamy boıynsha, elimizdiń soltústik, ortalyq jáne shyǵys óńirlerinde jańbyr jaýyp, naızaǵaı oınaıdy, keı jerlerde burshaq jaýyp, jel kúsheıip, tuman túsedi. Ońtústikte aýa temperatýrasy 44 gradýsqa deıin kóteriledi. Kóptegen oblysta joǵary jáne tótenshe órt qaýpi saqtalady.
Astanada kúndiz 36-38 gradýs aptap ystyq bolady. Joǵary órt qaýpi boljanyp otyr.
Aqmola oblysynyń batysynda, soltústiginde jáne ortalyǵynda kúndiz jańbyr jaýyp, naızaǵaı oınaıdy, burshaq jaýyp, jel kúsheıedi. Sondaı-aq kúndiz aýa temperatýrasy 35-39 gradýsqa deıin kóteriledi. Oblystyń batysynda tótenshe, ortalyǵy men ońtústik-shyǵysynda joǵary órt qaýpi saqtalady. Kókshetaýda kúndiz ótkinshi jańbyr jaýyp, naızaǵaı oınaıdy.
Soltústik Qazaqstan oblysynyń batysynda, soltústiginde jáne ońtústiginde jańbyr jaýyp, naızaǵaı oınaıdy, burshaq jaýyp, jel kúsheıedi. Soltústikte keı ýaqytta qatty jańbyr jaýady. Túnde jáne tańerteń batysta tuman túsedi. Batysy men soltústiginde joǵary órt qaýpi saqtalady. Petropavlda jańbyr jaýyp, naızaǵaı oınaıdy, burshaq jaýady. Joǵary órt qaýpi saqtalady.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy, kúndiz burshaq jaýyp, jel kúsheıedi. Oblys boıynsha joǵary órt qaýpi, al ońtústigi men ońtústik-shyǵysynda tótenshe órt qaýpi saqtalady. Qostanaıda joǵary órt qaýpi saqtalady.
Pavlodar oblysynyń batysynda kúndiz jańbyr jaýyp, naızaǵaı oınaıdy, burshaq jaýyp, jel kúsheıedi. Kúndiz 35-38 gradýs qatty ystyq bolady. Oblystyń ortalyǵy men ońtústiginde joǵary órt qaýpi saqtalady. Pavlodarda kúndiz aýa temperatýrasy 35-37 gradýsqa deıin kóterilip, joǵary órt qaýpi saqtalady.
Qaraǵandy oblysynyń ońtústigi men shyǵysynda ótkinshi jańbyr jaýyp, naızaǵaı oınaıdy. Kúndiz 35-38 gradýs qatty ystyq bolady. Batysynda, shyǵysynda jáne ońtústiginde tótenshe órt qaýpi, soltústigi men ortalyǵynda joǵary órt qaýpi saqtalady. Qaraǵandyda kúndiz 35 gradýs qatty ystyq bolady.
Ulytaý oblysynda kúndiz aýa temperatýrasy 35-39 gradýsqa deıin kóteriledi. Oblys boıynsha tótenshe órt qaýpi saqtalady. Jezqazǵanda 37-39 gradýs ystyq bolyp, tótenshe órt qaýpi saqtalady.
Shyǵys Qazaqstan oblysynda kúndiz 35-37 gradýs aptap ystyq bolady. Batysynda, ońtústik-shyǵysynda jáne ortalyǵynda joǵary órt qaýpi, ońtústiginde tótenshe órt qaýpi saqtalady. Óskemende kúndiz 35 gradýs ystyq bolady.
Abaı oblysynda kúndiz 35-37 gradýs ystyq bolady. Batysy men ortalyǵynda joǵary órt qaýpi, ońtústiginde tótenshe órt qaýpi saqtalady. Semeıde kúndiz 35 gradýs ystyq bolady.
Almaty oblysynyń ońtústigi men taýly aýdandarynda jańbyr jaýyp, naızaǵaı oınaıdy. Kúnniń ekinshi jartysynda taýly aımaqtarda keı ýaqytta qatty jańbyr jaýyp, burshaq túsedi. Kúndiz 35-38 gradýs qatty ystyq bolady. Batysy men soltústiginde tótenshe órt qaýpi, ońtústigi men shyǵysynda joǵary órt qaýpi saqtalady. Qonaevta 35-37 gradýs ystyq bolady.
Almatyda kúnniń ekinshi jartysynda azdaǵan jańbyr jaýyp, naızaǵaı oınaıdy. Kúndiz aýa temperatýrasy 35 gradýsqa deıin kóteriledi. Medeý jáne Bostandyq aýdandarynyń taýly aımaqtarynda ótkinshi jańbyr jaýyp, naızaǵaı oınaıdy, keı ýaqytta qatty jańbyr jaýyp, burshaq túsedi.
Jetisý oblysynyń taýly aýdandarynda kúndiz ótkinshi jańbyr jaýyp, naızaǵaı oınaıdy jáne burshaq túsedi. Aýa temperatýrasy 35-38 gradýsqa deıin kóteriledi. Soltústigi men ońtústiginde joǵary órt qaýpi, batysy, shyǵysy men ortalyǵynda tótenshe órt qaýpi saqtalady. Taldyqorǵanda 36-38 gradýs ystyq bolyp, tótenshe órt qaýpi saqtalady.
Jambyl oblysynyń taýly aýdandarynda kúndiz jańbyr jaýyp, naızaǵaı oınaıdy. Oblys boıynsha aýa temperatýrasy 38-40 gradýsqa deıin kóteriledi. Tótenshe órt qaýpi saqtalady, al shyǵysy men ońtústiginde órt qaýpi joǵary bolady. Tarazda kúndiz 38 gradýs ystyq bolyp, tótenshe órt qaýpi saqtalady.
Túrkistan oblysynyń taýly jáne taý bókterindegi aýdandarynda ótkinshi jańbyr jaýyp, naızaǵaı oınaıdy jáne jel kúsheıedi. Kúndiz 40-42 gradýs qatty ystyq bolady. Oblys boıynsha tótenshe órt qaýpi, soltústiginde joǵary órt qaýpi saqtalady. Shymkentte ótkinshi jańbyr jaýyp, naızaǵaı oınaıdy, aýa temperatýrasy 40 gradýsqa deıin kóteriledi jáne tótenshe órt qaýpi saqtalady. Túrkistanda 40-41 gradýs ystyq bolyp, tótenshe órt qaýpi saqtalady.
Qyzylorda oblysynyń soltústigi men ortalyǵynda kúndiz shańdy daýyl soǵady. Aýa temperatýrasy 40-44 gradýsqa deıin kóteriledi. Oblys boıynsha tótenshe órt qaýpi saqtalady. Qyzylordada 42-44 gradýs qatty ystyq bolyp, tótenshe órt qaýpi saqtalady.
Aqtóbe oblysynyń ońtústiginde kúndiz 35-37 gradýs ystyq bolady. Soltústiginde joǵary órt qaýpi, oblys boıynsha tótenshe órt qaýpi saqtalady. Aqtóbede tótenshe órt qaýpi saqtalady.
Atyraý oblysynyń ońtústigi men shyǵysynda kúndiz ótkinshi jańbyr jaýyp, naızaǵaı oınaıdy. Aýa temperatýrasy 35-36 gradýsqa deıin kóteriledi. Oblys boıynsha tótenshe órt qaýpi saqtalady. Atyraýda da azdaǵan jańbyr jaýyp, naızaǵaı oınaıdy jáne 35-36 gradýs ystyq bolady.
Mańǵystaý oblysynyń ortalyǵynda kúndiz shańdy daýyl soǵady. Aýa temperatýrasy 38-42 gradýsqa deıin kóteriledi. Batysynda joǵary órt qaýpi, soltústik-shyǵysy men ortalyǵynda tótenshe órt qaýpi saqtalady. Aqtaýda 38-39 gradýs qatty ystyq bolyp, joǵary órt qaýpi saqtalady.
Batys Qazaqstan oblysynda tótenshe órt qaýpi, al soltústik-shyǵysynda joǵary órt qaýpi saqtalady.
Qazgıdromet 11–13 tamyzǵa arnalǵan Qazaqstan boıynsha jalpy aýa raıy boljamyn jarııalaǵan edi.
