Jánibektiń dopıng qabyldamaǵanyna senimdimiz — Týrızm jáne sport vıtse-mınıstri

ASTANA. KAZINFORM — Týrızm jáne sport vıtse-mınıstri Serik Jarasbaev boksshy Jánibek Álimhanulynan dopıng tabylýyna qatysty pikir bildirdi. 

— Qazirgi ýaqytta Týrızm jáne sport mınıstrligi Jánibek Álimhanulynyń komandasymen baılanysta. Ókinishke oraı, dopıngke qarsy uıym meldonıı odan anyqtaýyna baılanysty jekpe-jek bolmaıdy. Degenmen, Jánibek Álıhanulynyń málimdemesin senemiz jáne onyń dopıng qabyldamaǵanyna senimdimiz. Aǵzasyna dopıngtiń qalaı túskenin dopıngke qarsy uıymmen áli de anyqtaý qajet, — dedi Májilistiń jalpy otyrysynan keıin BAQ ókilderiniń saýalyna oraı.

Vıtse-mınıstr qorytyndy shyǵarýǵa asyqpaýǵa, dopıngke qarsy tekserýdiń tolyq aıaqtalýyn kútýge shaqyrdy.

— Týrızm jáne sport mınıstrligi bul jaıttan tys qalmaıdy. Jan-jaqty qoldaý kórsetýge daıynbyz. Qajet bolsa, osy jaıtqa quqyqtyq alańda baǵa bere alatyn halyqaralyq sarapshylardy tarta alamyz. Qazirgi ýaqytta qalaı paıda bolǵanyna qatysty birneshe pikir aıtylyp jatyr. Biraq, men naqty jaýap bere almaımyn. Eń aldymen resmı aqparat kútý kerek. Ekinshiden, mundaı jaıt kezinde ár sportshynyń ózi qorǵaý tásili de, múmkindigi de bar. Onyń komandasyna bizdiń taraptan qandaı da bir kómek kerek bolsa daıynbyz, — dedi Serik Jarasbaev.

Búgin orta salmaqta WBO jáne IBF tujyrymdary boıynsha álem chempıony bolyp turǵan Jánibek Álimhanuly (17-0, 12 KO) men WBA chempıony Erıslandı Lara (31-3-3, 19 KO) arasyndaǵy jyldyń basty jekpe-jegi resmı túrde ótpeıtini belgili boldy.