Roı Djons: Jánibek – orta salmaqtaǵy eń úzdik boksshy
ASTANA. KAZINFORM – Aty ańyzǵa aınalǵan amerıkalyq bylǵary qolǵap sheberi kishi Roı Djons WBO jáne IBF tujyrymdary boıynsha álem chempıony Jánibek Álimhanuly týraly pikirimen bólisti. Bul týraly Sports.kz jazdy.
Tanymal boksshy YouTube-tegi SPORT+ arnasyna bergen suhbatynda Jánibektiń úzdik ekenin aıtty.
– Jánibek – orta salmaqtaǵy eń úzdik boksshy. Ol álemge óziniń myqtylyǵyn kórsetýi, dáleldeýi kerek. Bul aldaǵy ýaqyttyń enshisindegi másele, - dedi amerıkalyq sportshy.
Eske sala keteıik, buǵan deıin WBO jáne IBF tujyrymdary boıynsha orta salmaqtaǵy álem chempıony Jánibek Álimhanulynyń kezekti jekpe-jegi aldyndaǵy dopıng testinen ótpeı qalǵanyn jazǵanbyz. Osy jaǵdaıǵa baılanysty Jánibek Álimhanuly men Laranyń jekpe-jegi resmı túrde toqtatylǵan bolatyn.
Sondaı-aq Jánibek Álimhanulynyń menedjeri Berik Sultan sportshynyń dopıngke qatysty jaǵdaıy qalaı bolyp jatqany jáne budan keıin qalaı órbıtini týraly aıtty.